డైరెక్ట‌ర్‌ శంక‌ర్‌తో గేమ్ ఛేంజ‌ర్ చేస్తున్న రామ్ చరణ్, ఆ త‌ర్వాత బుచ్చిబాబుతో ఓ సినిమా చేయ‌నున్న సంగ‌తి తెలిసిందే. ఈ సినిమాలో ఓ ఐట‌మ్‌ సాంగ్ ఉంద‌ట. ఆ సాంగ్‌ను బాలీవుడ్ బ్యూటీ జాన్వీ క‌పూర్‌తో చేయిస్తే బాగుంటుందని నిర్మాత‌లు అనుకుంటున్నార‌ట. ప్ర‌స్తుతం దేవ‌రలో నటిస్తున్న జాన్వీ, ఈ స్పెష‌ల్ సాంగ్‌కు ఓకే చెబుతుందో లేదో చూడాలి మరి. ఇక మరోవైపు గ్లోబల్ స్టార్ రామ్ చరణ్ ఇంట్లో ప్రముఖ ఓటీటీ వేదిక నెట్ ఫ్లిక్స్ సీఈవో టెడ్ సరాండోస్ సందడి చేశారు. హైదరాబాద్‌కు వచ్చిన సరాండోస్ చిరంజీవి, చెర్రీతో భేటీ అయ్యారు. భారత్ లో తమ తదుపరి ప్రణాళికల గురించి, వ్యాపార విస్తరణ, సినిమాలు తదితర అంశాలపై చర్చించారు. ఈ భేటీలో రామ్ చరణ్, చిరంజీవి మాత్రమే కాదు, సాయిధరమ్ తేజ్, వైష్ణవ్ తేజ్ సోదరులు కూడా పాల్గొన్నారు.
ఇక చరణ్ – బుచ్చిబాబు సినిమా విషయానికి వస్తే.. ఈ సినిమాలో రష్మిక మందన్నా హీరోయిన్‌ గా తీసుకుంటే బాగుంటుందని మేకర్స్ ఫీల్ అవుతున్నారు. మరి, బుచ్చిబాబు రష్మికకి ఈ క్రేజీ ఆఫర్ ఇస్తాడా ? లేదా ? అనేది చూడాలి. ఈ సినిమాలో మరో కీలక పాత్ర ఉంది. ఈ పాత్ర.. కథనే మలుపు తిప్పుతుంది. అందుకే, ఈ పాత్రలో మోహన్ లాల్ ను ఒప్పించాలని బుచ్చిబాబు ప్రయత్నాలు చేస్తున్నాడని వార్తలు వచ్చాయి. మరి ఈ వార్తల పరిస్థితి ఏమిటి అనేది చూడాలి. ఈ చిత్రం పీరియాడిక్ మూవీ. ఆఫ్ఘనిస్తాన్ యుద్ధ నేపథ్యంలో ఈ చిత్రం జరగనుంది. ఆఫ్ఘనిస్తాన్ యుద్ధంలో జరిగిన కొన్ని పరిస్థితుల ఆధారంగా కథ మొదలవుతుందట.
Also Read:కేసీఆర్ త్వరగా కోలుకోవాలి:చంద్రబాబు
