బుల్లితెర బిగ్గెస్ట్ రియాల్టీ షో బిగ్ బాస్ 7 తెలుగు విజయవంతంగా 69 రోజులు పూర్తి చేసుకుంది. వీకెండ్ కావడంతో కింగ్ నాగార్జున ఎంట్రీ ఇవ్వగా అంతా కలిసి శివాజీ నెత్తిన కిరీటం పెట్టారు. తొలుత శోభా కెప్టెన్సీ ఎలా ఉందో ఒక్కొక్కరిని అడిగి తెలుకున్నారు నాగ్. ముందుగా అర్జున్‌ను అడగ్గా వీఐపీ రూమ్ ఎంజాయ్ చేయడమే సరిపోయింది సార్ అని చెప్పాడు. శివాజీ సేఫ్‌గా బానే చేసింది అని చెప్పగా యావర్, రతిక వరెస్ట్ అని చెప్పారు. మిగిలిన వాళ్లంతా మంచి కెప్టెన్ అనే చెప్పారు. మెజారిటీ ప్రకారం శోభా గుడ్ కెప్టెన్ అంటూ నాగార్జున ప్రశంసించారు.
తర్వాత హౌస్‌లో కొత్త కెప్టెన్‌ను ఎన్నుకోవడానికి సీక్రెట్ ఓటింగ్ పెట్టారు. ఒక్కొక్క కంటెస్టెంట్‌ను కన్ఫెషన్ రూమ్‌కి పిలిచి అర్జున్-శివాజీలలో ఎవరు కెప్టెన్‌గా కావాలని అడిగారు. అర్జున్-శివాజీలను మినహాయించి మిగిలిన 9 మందీ కూడా శివాజీ కెప్టెన్సీ చూడాలని ఉంది అంటూ ఓటేశారు. ఒక్కరు కూడా అర్జున్ కావాలని కోరుకులేదు.
హౌస్ మొత్తం 9-0తో ఏకగ్రీవంగా శివాజీనే కెప్టెన్ కావాలని కోరుకున్నారు. దీంతో శివాజీ కొత్త కెప్టెన్ అంటూ నాగ్ ప్రకటించేశారు. శోభా చేతుల మీదుగా కిరీటాన్ని శివాజీ నెత్తిన పెట్టించారు.
తర్వాత కొత్త కెప్టెన్ శివాజీకి నాగార్జున ఊహించని ఝలక్ ఇచ్చారు. శివాజీ నువ్వు చెప్పేవన్నీ బాగానే ఉంటాయ్ కానీ నీకొక వీడియో చూపిస్తా చూడు అంటూ నామినేషన్స్ రోజు జరిగిన ఓ క్లిప్‌ను అందరికీ చూపించారు. తర్వాత ఓవరాల్‌గా 10 వారాలు జరిగిన ఆటలో ఎవరు పాస్, ఎవరు ఫెయిల్ అంటూ ఒక్కొక్కరి పేరు బోర్డుపై రాయాలని నాగార్జున అందరినీ అడిగారు. ముందుగా వెళ్లిన శోభా.. అమర్ పాస్, రతిక ఫెయిల్ అని రాసింది.
Also Read:చిన్నా..ఓటీటీ డేట్ లాక్!
