యంగ్ రెబల్ స్టార్ ప్రభాస్ తన తర్వాతి చిత్రాన్ని ఖాయం చేసుకన్న సంగతి తెలిసిందే. రన్ రాజా రన్ ఫేమ్ సుజిత్ దర్శకత్వంలో ప్రభాస్ హీరోగా రూపొందుతున్న గ్రాండ్ మూవీ ‘సాహో’. ఈ సినిమాకు ఫస్ట్ లుక్ కూడా అప్పుడే ఇచ్చేశారు.ఇంకా సినిమా షూటింగ్ పూర్తి స్థాయిలో మొదలవ్వలేదు కానీ అప్పుడే ఫస్ట్ లుక్ ఇచ్చాడు డైరెక్టర్. ఈ సాహో టీజర్ ను కూడా బాహుబలి2తో కలిపి ప్రదర్శించారు. అయితే ఫస్ట్ లుక్ లోగో డిజైన్ చూస్తే ఆశ్చర్యం వేయక మానదు.
మరి ప్రస్తుతం ప్రభాస్ అమెరికాలో వున్నాడు. ‘బాహుబలి 2’ భారీ సక్సెస్ ను ఆయన అక్కడ ఎంజాయ్ చేస్తున్నాడు. అక్కడి నుంచి తిరిగి రాగానే ఆయన ‘సాహో’ సినిమా షూటింగులో పాల్గొననున్నాడు. ఈ సినిమాలో కథానాయికగా బాలీవుడ్ హీరోయిన్స్ పేర్లను పరిశీలిస్తున్నట్టుగా కొన్ని రోజులుగా వార్తలు షికారు చేస్తున్నాయి. తాజాగా కత్రినా కైఫ్ పేరు ఎక్కువగా వినిపిస్తోంది.
బాలీవుడ్ అగ్ర కథానాయికగా కత్రీనా కైఫ్ ఒక వెలుగు వెలుగుతోంది. గతంలో ఆమె తెలుగులో వెంకీతో ‘మల్లీశ్వరి’ .. బాలకృష్ణతో ‘అల్లరి పిడుగు’ సినిమాలు చేసింది. ‘మల్లీశ్వరి’ మాత్రం భారీ సక్సెస్ ను అందించింది. మళ్లీ ఇంతకాలానికి ప్రభాస్ సినిమాలో ఆమెను తీసుకోవడానికి ప్రయత్నాలు జరుగుతున్నాయని అంటున్నారు. అదే నిజమైతే, తెలుగు .. తమిళ .. హిందీ భాషల్లో నిర్మించనున్న ‘సాహో’కి కత్రినా గ్రీన్ సిగ్నల్ ఇస్తుందేమో చూడాలి.
