బుల్లితెర బిగ్గెస్ట్ రియాల్టీ షో బిగ్ బాస్ తెలుగు సీజన్ 7 విజయవంతంగా 53 రోజులు పూర్తి చేసుకుంది. తాజా ఎపిసోడ్‌లో భాగంగా తేజ – శోభా ప్రేమ పక్షుల్లాగా మారిపోగా హౌస్‌కి కొత్త కెప్టెన్ ఎవరనేది ఇవాళ్టి ఎపిసోడ్‌లో తేలనుంది. ముందుగా స్టోర్ ఇట్.. పౌర్ ఇట్ అనే గేమ్ పెట్టారు. ఇందులో భాగంగా షవర్ నుంచి నీళ్లు వస్తుంటాయి.. వాటిని కంటెస్టెంట్లు తమ నెత్తి మీద ఉంచిన స్పాంజిలో ఫిల్ చేసుకోవాలి.. తర్వాత వాటిని కంటైనర్‌లోకి పిండాలని సూచించారు. ఇలా ఎవరైతే బజర్ మోగే లోపు ఎక్కువ నీటిని కంటైనర్‌లో పిండుతారో వాళ్లు విన్ అయినట్లు అని చెప్పారు. ప్రతి రౌండ్‌కి లీస్ట్‌లో ఉన్న వాళ్లు రేసు నుంచి తప్పుకుంటారని చెప్పారు.
తొలుత అశ్విని, అర్జున్, సందీప్, భేల్ పోటీ పడ్డారు. మొదటి రౌండ్‌లో భోలే ఎలిమినేట్ అయి తన నీటిని అశ్విని కంటైనర్‌లో వేసేశాడు. ఇక రెండో రౌండ్‌లో సందీప్, అశ్వినిలకు ఏమాత్రం ఛాన్స్ ఇవ్వకుండా అర్జున్ రెచ్చిపోయాడు. సందీప్‌ను ఒక చేత్తో పట్టేసుకొని.. అశ్విని పక్కకి తోసేశాడు. దీంతో ఆమె కింద పడిపోయింది. సంచాలక్‌గా ఉన్న శివాజీ లేపి మళ్లీ గేమ్ కొనసాగించమన్నాడు. ఇక ఈ రౌండ్‌లో అశ్విని ఎలిమినేట్ అవడంతో తన నీటి సందీప్‌కి ఇచ్చేసింది. మూడో రౌండ్‌లో సందీప్ గెలవడంతో కెప్టెన్సీ రేసులో మూడో కంటెండర్ అయ్యాడు.
తర్వాత యావర్‌తో సీక్రెట్‌గా మాట్లాడింది రతిక . మన ఇద్దరి మధ్య డిస్టెన్స్ ఎందుకు వచ్చిందని యావర్ అడిగాడు. అదే అమర్ నా దగ్గరికి వచ్చి ప్రశాంత్, యావర్ నీతో ఉండటానికి ట్రై చేస్తున్నారు.. వాళ్ల స్క్రీన్ స్పేస్ కోసం.. నువ్వు నీ ఆట ఆడు.. వాళ్లు నిన్ను మధ్యలో పెట్టుకొని ఆడుతున్నారు.. నీకు అర్థం కావట్లేదా అని నాతో అన్నాడు.
Also Read:సూర్య 43 కోసం ఆకాశం నీ హద్దురా టీం!
తర్వాత ఎంప్టీ ద కంటైనర్ అంటూ మరో గేమ్ పెట్టాడు బిగ్‌బాస్. ఇందులో కూడా నలుగురు పోటీ పడాలి. వాళ్ల ముందు ఉన్న డబ్బాలో చిన్న బాల్స్ వేసి ఉంటాయి.. వాటిని ఒక్క చేతితో తోడుతూ ఖాళీ చేయాల్సి ఉంటుంది. ఎవరు ముందుగా ఖాళీ చేసి గంట కొడతారో వాళ్లు విన్. ఇక ఈ టాస్కులో ఎవరు పోటీపడాలో మీరే తేల్చుకోండి అని చెప్పాడు బిగ్ బాస్. శివాజీ, శోభా, అశ్విని, గౌతమ్ లకి అవకాశం రాగా ఈ గేమ్‌లో గౌతమ్ గెలుపొంది నాలుగో కెప్టెన్సీ కంటెండర్‌గా నిలిచాడు.
అన్ని గేమ్స్‌లో సెకండ్, థర్డ్ వచ్చిన తేజ, యావర్ అర్జున్, అశ్విని, శోభాలకి మరో అవకాశం ఇచ్చాడు బిగ్‌బాస్. వీరిలో ఒకరు కంటెండర్‌గా నిలవడానికి వేర్ ఇట్ అండ్ విన్ ఇట్ అనే గేమ్ పెట్టాడు.దీంతో శోభా గెలవగా ఇవాళ్టి ఎపిసోడ్‌లో కెప్టెన్ ఎవరనేది తేలనుంది.
