అందాల ముద్దుగుమ్మ నిధి అగర్వాల్ కెరీర్ కి మళ్ళీ ఊపు వచ్చే అవకాశం లేదా ? ఈ ప్రశ్నకు సమాధానం అవును అనే చెప్పాలి. ఎందుకంటే ప్రస్తుతం ఈ భామకి కొత్తగా ఒక్క ఆఫర్ రావడం లేదు. రెండేళ్ల కాలంలో ఒక్క సినిమాలో కూడా నటించేందుకు అవకాశం రాలేదు అంటే ఇక కెరీర్ పూర్తిగా స్లంప్ లో పడినట్లే. ప్రస్తుతం ఆమె ఒక బడా సినిమాలో నటిస్తోంది. ఆ మూవీ… హరి హర వీరమల్లు. పవర్ స్టార్ పవన్ కళ్యాణ్ హీరో. మరి పవన్ కళ్యాణ్ వంటి అగ్ర హీరో సరసన నటించే ఛాన్స్ కొట్టి కూడా.. కొత్తగా ఛాన్స్ లను అందుకోలేకపోతుంది.
అసలు పవన్ సినిమా రావడం అంటే మాటలు కాదు, అయినా, నిధి అగర్వాల్ మరో స్టార్ హీరో సినిమాని పట్టుకోలేకపోయింది. ఆమె నటించిన “ఇస్మార్ట్ శంకర్” సినిమా తర్వాత నిధి అగర్వాల్ కి మరో సాలిడ్ హిట్ పడలేదు. అయినా, అంత పెద్ద హిట్ తర్వాత కూడా పవన్ కాకుండా ఆమెకి మరో పెద్ద హీరో సినిమాలో ఛాన్స్ రాలేదంటే ఆశ్చర్యంగా ఉంది. పైగా పవన్ సినిమాలో నిధి పాత్రకు ఉన్న నిడివి చాలా తక్కువ. అందాల ఆరబోతలో, హాట్ హాట్ లుక్స్ తో హీట్ పెంచడంలో నిధి అగర్వాల్ ను కచ్చితంగా తక్కువ చేయడానికి లేదు. ఆమె గ్లామరస్ హీరోయిన్.
మరి, నిధి కి ఛాన్స్ లు రాకపోవడానికి కారణం.. ఆమె టాలెంట్ పై దర్శక, నిర్మాతలకు ఉన్న అపనమ్మకం అనుకోవాలా ?, ఐతే, హరి హర వీరమల్లు తర్వాత క్రిష్ తాను తీసే మరో సినిమాలో మళ్ళీ ఛాన్స్ ఇస్తాడని ఆమె ఆశపడుతోంది. వచ్చే ఏడాది బాలయ్య హీరోగా క్రిష్ ఓ సినిమా తీసేందుకు ప్లాన్ చేస్తున్నాడు. ఈ గ్యాప్ లో మాత్రం ఈ భామ పార్టీలతో హంగామా చేస్తోంది. రెగ్యులర్ గా తాను అటెండ్ అయ్యే పార్టీల ఫోటోలను ఇన్ స్టాగ్రామ్ లో షేర్ చేస్తోంది. పాపం ఛాన్స్ లు లేక మిడ్ నైట్ పార్టీలకు హాజరు అవుతుంది నిధి.
Also Read:సనాతన ధర్మంపై కమల్‌హాసన్‌
