త్వరలో బిఆర్ఎస్ పార్టీలో చేరనున్నారు ప్రజాగాయకుడు ఏపూరి సోమన్న. భారత రాష్ట్ర సమితి వర్కింగ్ ప్రెసిడెంట్ కే తారక రామారావు ని ఇవాళ మర్యాదపూర్వకంగా కలిశారు ఏపూరి. త్వరలో బిఆర్ఎస్ పార్టీలో చేరనుండగా ఏపూరి నిర్ణయాన్ని స్వాగతించారు. ఈ సమావేశంలో పా టిఆర్ఎస్ పార్టీ విప్, ఎమ్మెల్యే బాల్క సుమన్, ఎమ్మెల్సీ దేశపతి శ్రీనివాస్, సీనియర్ నాయకులు దాసోజు శ్రవణ్ పాల్గొన్నారు.
ఏపూరి తెలంగాణ పాటలు చాలా ఫేమస్. కాంగ్రెస్‌లో ప్రస్తుత పీసీసీ చీఫ్ రేవంత్ రెడ్డికి దగ్గరి అనుచరుడిగా పనిచేశారు. తర్వాత ఆయన ఒంటెద్దు పోకడలు నచ్చక షర్మిల వైఎస్‌ఆర్‌టీపీలో చేరారు. అనంతరం ఆమె తన పార్టీని కాంగ్రెస్‌లో విలీనం చేస్తున్నారన్న వార్తల నేపథ్యంలో షర్మిల పార్టీకి దూరంగా ఉంటు వస్తున్నారు. తాజాగా ఏపూరి బీఆర్ఎస్‌లో చేరుతున్నారన్న వార్త ఆయన అభిమానుల్లో సంతోషాన్ని నింపుతోంది.
Also Read:‘గుంటూరు కారం’ పరిస్థితి ఇదీ!
