హీరో విజయ్ దేవరకొండ ఎందుకు స్టార్ అయ్యాడు?, అతనికి ఎందుకు సోషల్ మీడియా ఎక్కువ ప్రాధాన్యత ఇస్తోంది?, అసలు అతని కంటే ఎందరో పెద్ద హీరోలు ఉన్నారు. అయినా, విజయ్ దేవరకొండకి ఓ వర్గంలో విపరీతంగా క్రేజ్ పెరుగుతూ పోతుంది. దీనికి కారణం.. కచ్చితంగా విజయ్ దేవరకొండ పబ్లిసిటీ. మొదటి నుంచి విజయ్ దేవరకొండ కొత్తగా ఆలోచిస్తున్నాడు. పైగా గతంలో ఏ హీరో చేయలేని పనులు చేస్తూ.. తనకంటూ ప్రత్యేక గుర్తింపును తెచ్చుకుంటున్నాడు. ఇప్పటికే పేద మూవీ కార్మికులకు లక్ష రూపాయలు సాయం చేస్తానని ఖుషి సక్సెస్ మీట్ లో హీరో విజయ్ దేవరకొండ ప్రకటించిన సంగతి తెలిసిందే.
ఇచ్చిన మాట ప్రకారం సాయానికి అర్హులైన వంద కుటుంబాల జాబితాను విజయ్ విడుదల చేశారు. ‘ఈసారి 100 కుటుంబాలను ఎంపిక చేశాం. నేను అందించే సాయం మీ కుటుంబాల్లో ఆనందం నింపుతుందని ఆశిస్తున్నా’ అంటూ అందరికీ ఆర్థిక సాయం చేశాడు. ‘ఖుషి’ సక్సెస్ మీట్‌లో ఇచ్చిన మాట ప్రకారం ఎంపిక చేసిన వంద కుటుంబాలకు రూ.లక్ష రూపాయల చెక్‌లను అందించారు. దీనికి సంబంధించిన వీడియోను తన సోషల్ మీడియా ఖాతాలో పంచుకున్నారు. ఎంతో ఆనందంగా ఉందని, #SpreadingKushi అనే హ్యాష్‌ ట్యాగ్‌ను జోడించారు.
తాను ఆరోగ్యంగా, పనిచేస్తున్నంతకాలం ప్రతి ఏడాది ఏదో ఒక సాయం చేస్తూనే ఉంటా అంటూ విజయ్ దేవరకొండ ప్రకటించడం విశేషం. నిజంగా తాను రీల్ హీరోని కాదు, రియల్ హీరోని అని విజయ్ దేవరకొండ రుజువు చేసుకున్నాడు. ప్రజల అభిమానం సంపాదించుకున్న హీరోలను చూశాం గానీ, ప్రజలకు తాను సంపాదించిన డబ్బును పంచే హీరోని మాత్రం ఒక్క విజయ్ దేవరకొండలోనే చూస్తున్నాం. శభాష్ విజయ్ దేవరకొండ. నువ్వు ఇలాగే దూసుకు పో.
Also ReadLబిగ్ బాస్ నుండి రాగానే పెళ్లి!
