పవర్ స్టార్ పవన్ కళ్యాణ్ హీరోగా నటిస్తున్న తాజా చిత్రం ఉస్తాద్ భగత్ సింగ్. హరీష్ శంకర్ దర్శకత్వంలో తెరకెక్కుతున్న ఈ సినిమాలో ఓ స్పెషల్ సాంగ్ ఉంది. ఈ ఐటెం సాంగ్ కోసం శ్రుతి హాసన్ ను సెలక్ట్ చేశారని ఇంతకుముందే వార్తలు వచ్చాయి. శృతి హాసన్ కూడా పవన్ తో చిందేయడానికి దాదాపు ఒప్పుకుంది. కాకపోతే ఓ చిన్న మెలిక పెట్టింది. దాంతో యూనిట్ ఇప్పుడు విలవిల్లాడుతోంది. ఉస్తాద్ భగత్ సింగ్ లో పవన్ సరసన స్పెషల్ సాంగ్ లో డాన్స్ చేసేందుకు శృతి హాసన్ ఏకంగా కోటి రూపాయలు డిమాండ్ చేసింది.
ప్రస్తుతం ఈ మొత్తానికి చాలామంది హీరోయిన్లు ఏకంగా సినిమాలే సైన్ చేస్తున్నారు. అలాంటిది శ్రుతి హాసన్, సింగిల్ సాంగ్ కోసం అంత మొత్తం డిమాండ్ చేయడంతో యూనిట్ ఖంగుతింది. నిజానికి 50 లక్షల్లో శ్రుతి హాసన్ ను సెట్ చేయాలని అనుకుందట యూనిట్. ఓ ఐటెం సాంగ్ కు అంతకుమించి రెమ్యూనరేషన్ ఇస్తే చాలా ఎక్కువ. కానీ ఒకేసారి కోటి డిమాండ్ చేసి, చిన్నపాటి షాక్ ఇచ్చిందట ఈ సీనియర్ బ్యూటీ.
నిజానికి కాజల్ అగర్వాల్, తమన్నా లాంటి స్టార్లు ఐటెం సాంగ్ చేసినప్పుడు ఇలా భారీగా ఛార్జ్ చేస్తుంటారు. పుష్పలో ఐటెం సాంగ్ కోసం సమంత, ఎఫ్3లో స్పెషల్ సాంగ్ కోసం పూజా హెగ్డే కాస్త ఎక్కువ తీసుకున్నారని టాక్ ఉంది. వాళ్ళు అంటే ప్రస్తుతం ఫామ్ లో ఉన్నారు. కానీ శ్రుతి హాసన్ పరిస్థితి అది కాదే. స్టార్ హీరోయిన్ గా అంతగా క్రేజ్ లేని శ్రుతి హాసన్ ఇంత డిమాండ్ చేస్తుందని యూనిట్ కలలో కూడా ఊహించలేదు. మరి శ్రుతి హాసన్ చెప్పిన రేటు ఎంతకు తెగుతుందో చూడాలి.
Also Read:‘తంత్ర’తో సలోని ఈజ్ బ్యాక్
