సూపర్ స్టార్ రజినీకాంత్ ఉత్తరప్రదేశ్ గవర్నర్ ఆనందీబెన్ పటేల్‌ని మర్యాదపూర్వకంగా కలిశారు. ఆమెతో కొంత సేపు ముచ్చటించారు. ఆనందీబెన్ పటేల్-రజినీకాంత్ భేటీకి సంబంధించిన ఫోటోలు గవర్నర్ అధికారిక ట్విట్టర్ అకౌంట్‌లో షేర్ చేయగా, వైరల్ అవుతున్నాయి. మరోవైపు జైలర్ మూవీ బాక్సాఫీస్ వద్ద విజయ విహారం చేస్తూ.. ఐదు వందల కోట్ల మార్క్ దిశగా అడుగులు వేస్తోంది.
అన్నట్టు ఉత్తరప్రదేశ్ ముఖ్యమంత్రి యోగి ఆదిత్యనాథ్‌ను సూపర్ స్టార్ రజనీకాంత్ నేడు కలిశారు. ఆయనతో కలిసి ‘జైలర్’ వీక్షించనున్నారు. దీనికోసం ఇప్పటికే లఖ్‌నవూ చేరుకున్న రజనీ విమానాశ్రయంలో మాట్లాడుతూ దేవుడి దయ వల్ల సినిమా విజయం సాధించిందని తెలిపారు. ‘జైలర్’ విడుదల సమయంలో హిమాలయాలకు వెళ్లిన రజనీ..యాత్ర ముగించుకుని లఖ్‌నవూ చేరుకున్నారు.
జైలర్ సినిమా హిట్ టాక్ తో దూసుకుపోతోంది. పైగా జైలర్ కేవలం రెండు రోజుల్లోనే బ్రేక్ ఈవెన్ అయ్యింది. కాబట్టి.. జైలర్ మూడో రోజు నుంచి కలెక్ట్ చేస్తున్న కలెక్షన్స్ అన్నీ లాభాలు కిందకే వస్తాయి. నెల్సన్ దిలీప్ కుమార్ దర్శకత్వంలో తెరకెక్కిన ఈ మూవీలో తమన్నా హీరోయిన్‌గా నటించింది. ఈ మూవీలో హీరోలు మోహన్ లాల్, శివరాజ్ కుమార్, సునీల్, రమ్యకృష్ణ కూడా నటించారు. మొత్తానికి సూపర్ స్టార్ రజనీకాంత్ భారీ హిట్ కొట్టారు.
Also Read:ప్రభాస్ ‘కల్కి’లో మరో స్టార్ హీరో
