శింబు, నయనతార జంటగా నటించిన అనువాద చిత్రం ‘సరసుడు’. పాండిరాజ్‌ దర్శకుడు. టి.రాజేందర్‌ నిర్మాత. శింబు సోదరుడు టి.ఆర్‌.కురళరసన్‌ సంగీతాన్ని అందించారు. ఈ చిత్రంలోని పాటలు హైదరాబాద్‌లో విడుదలయ్యాయి. బిగ్‌ సీడీని మంచు మనోజ్‌ ఆవిష్కరించారు. తొలి సీడీని రాజేందర్‌ విడుదల చేశారు.
రాకింగ్‌ స్టార్‌ మంచు మనోజ్‌ మాట్లాడుతూ – ”బాహుబలి-2’లాంటి గొప్ప సినిమాని రాజమౌళిగారు తీసినందుకు మనందరం గర్వించదగ్గ విషయం. నా ప్రాణ స్నేహితుడు శింబు, నేను చిన్నప్పటి నుండి చెన్నైలో 6 స్టాండర్డ్స్‌ నుంచి కలిసి పెరిగాం. మా ఇద్దరికీ మ్యూజిక్‌ అంటే బాగా ఇష్టం. నా సినిమాలో మ్యూజిక్‌ బాగా వస్తుందన్నా, నాకు మ్యూజిక్‌ టేస్ట్‌ వుండటానికి కారణం శింబు. చిన్నప్పట్నుంచి చాలా ఇన్‌స్పైర్‌ చేశారు. పాటలు రాయడం.. పాడటం, మ్యూజిక్‌ చేయడంలో అమేజింగ్‌ టాలెంట్‌ వుంది శింబుకి. అలాగే ఎక్స్‌లెంట్‌ పెర్‌ఫార్మెర్‌. డ్యాన్స్‌లో కూడా ఈ సినిమాలో ఇరగదీసాడు. నా ఫ్రెండ్‌ శింబు సినిమా ఆడియో లాంచ్‌ చేయడం నిజంగా నాకు చాలా హ్యాపీగా వుంది. ఎవర్‌గ్రీన్‌ హీరో టి.రాజేందర్‌గారికి ఈరోజుకి నేను పెద్ద ఫ్యాన్‌ని. ఈ వయసులో కూడా ఫుల్‌ ఎనర్జిటిక్‌గా వుంటారు. ఆయన ఒక మాస్‌ సాంగ్‌ని ఓ రేంజ్‌లో పాడారు. తండ్రి పాట పాడటం, కొడుకు డ్యాన్స్‌ చేయడం చాలా థ్రిల్లింగ్‌గా వుంది. శింబు మూవీస్‌ అంటేనే మ్యూజిక్‌కి ప్రాధాన్యత వుంటుంది. ప్రతి పాట ఆణిముత్యంలా ఎక్స్‌లెంట్‌గా వుంటుంది. ఈ చిత్రానికి కురళ్‌ని మ్యూజిక్‌ డైరెక్టర్‌గా లాంచ్‌ చేశారు. తమిళంలో అద్భుతంగా సూపర్‌హిట్‌ అయ్యాయి. ఇంత మంచి పాటల్ని నేను రిలీజ్‌ చేయడం అదృష్టంగా భావిస్తున్నాను. సినిమా గొప్ప హిట్‌ అయ్యి, తెలుగులో వరసగా శింబు సినిమాలు రావాలని కోరుకుంటున్నాను. నేను, శింబు కలిసి త్వరలో మంచి యాక్షన్‌ సినిమాని తెలుగు, తమిళ్‌ బైలాంగ్వేజ్‌ ఫిల్మ్‌గా తీయబోతున్నాం. శింబు స్క్రిప్ట్‌ రెడీ చేస్తున్నారు. ఈ సినిమా గొప్ప విజయం సాధించాలని ఆశిస్తూ.. టీమ్‌ అందరికీ ఆల్‌ ది బెస్ట్‌” అన్నారు.
లవర్‌బోయ్‌ శింబు మాట్లాడుతూ – ”తెలుగు ఇండస్ట్రీలో నాకు చాలామంది ఫ్రెండ్స్‌ వున్నారు. నిర్మాతలు, దర్శకులు, హీరోలు ఎంతోమంది ఆప్యాయంగా పలకరిస్తూ ప్రేమగా చూసుకుంటారు. కానీ ప్రాణ స్నేహితుడు మాత్రం ఒక్కడే మనోజ్‌. వందమంది కన్నా ఎక్కువ అతను. ఫ్రెండ్‌షిప్‌ అనేది వెరీ ఇంపార్టెంట్‌. చిన్న ఆడియో ఫంక్షన్‌ అయినా మనోజ్‌ రాకతో ఇది పెద్ద ఫంక్షన్‌ అయిపోయింది. నా మీద ప్రేమతో వచ్చినందుకు మనోజ్‌కి నా మనస్ఫూర్తిగా థాంక్స్‌. తెలుగులో నా సినిమాలు రిలీజ్‌ అయి చాలాకాలం అయ్యింది. ‘మన్మథ’, ‘వల్లభ’ తర్వాత చాలామంది ఎందుకు తెలుగులో చెయ్యడం లేదు అని అడుగుతున్నారు. పాండిరాజ్‌ మరో లవ్‌స్టోరి చెప్పారు. నయనతార, ఆండ్రియా ఎక్స్‌లెంట్‌గా పెర్‌ఫార్మ్‌ చేశారు. మా బ్రదర్‌ కురళ్‌ అరసన్‌ మ్యూజిక్‌ చేశారు. మా ఫాదర్‌ అండ్‌ మదర్‌ ఈ చిత్రాన్ని నిర్మించడం చాలా సంతోషంగా వుంది. సత్యం రాజేష్‌ త్రూ అవుట్‌ క్యారెక్టర్‌ చేశాడు. డైలాగ్స్‌ విషయంలో నాకు బాగా హెల్ప్‌ చేశారు. రాజేష్‌కి థాంక్స్‌. ఈ సినిమా ప్రతి ఒక్కరికీ నచ్చుతుంది” అన్నారు.
రచయిత, నటుడు, దర్శకుడు, నిర్మాత టి.రాజేందర్‌ మాట్లాడుతూ – ”1983లో ‘ప్రేమసాగరం’ చిత్రం రిలీజ్‌ అయ్యింది. రిలీజ్‌ అయిన అన్ని సెంటర్స్‌లో రికార్డ్‌ కలెక్షన్స్‌తో వన్‌ ఇయర్‌ ఆడింది. ఆ సినిమా అప్పుడు నన్ను ఆదరించారు. ‘ప్రేమ సామ్రాజ్యం’, ‘మైధిలీ నా ప్రేయసి’, ‘నా చెల్లెలు కళ్యాణి’, ‘హలో మైడియర్‌ మోనిషా’ ఎన్నో సూపర్‌హిట్‌ చిత్రాల్లో నటించి డైరెక్షన్‌ చేశాను. శింబు సినీ ఆర్ట్స్‌ బేనర్‌ స్థాపించి ‘కుర్రాడొచ్చాడు’ చిత్రంతో శింబుని హీరోగా లాంచ్‌ చేశాం. మళ్ళీ అదే బేనర్‌లో ‘సరసుడు’ చిత్రాన్ని తెలుగులో నిర్మించాం. ఈ సినిమాకి మాటలు, పాటలు నేనే రాశాను. మా చిన్నబ్బాయి కురళ్‌ అరసన్‌ మ్యూజిక్‌ చేశాడు. మనోజ్‌ చాలా సపోర్ట్‌ చేసి ఆడియో రిలీజ్‌కి వచ్చారు. నన్ను, శింబుని ఆదరించారు. ఇప్పుడు మా అబ్బాయి కురళ్‌ అరసన్‌ని సంగీత దర్శకుడిగా ఆదరించాలని కోరుకుంటున్నాను. శింబుని హీరోగా నేను ఇంట్రడ్యూస్‌ చేశాను. మా కురళ్‌ని మ్యూజిక్‌ డైరెక్టర్‌గా శింబు ఇంట్రడ్యూస్‌ చేశారు. ఆ క్రెడిట్‌ అంతా శింబుకే దక్కుతుంది. మోహన్‌బాబుగారు నాకు ఫ్రెండ్‌ మాత్రమే కాదు.. ఆయనకి నేను పెద్ద ఫ్యాన్‌. నాకు గురువు దాసరి నారాయణరావుగారు. ఆయన డైలాగ్‌ డిస్టింక్షన్‌ అంటే నాకు చాలా ఇష్టం. ఏ పని చేసినా కసితో, ప్యాషన్‌తో చేస్తారు. చేసే పని అంటే నాకు ఒక ధ్యాస.. ఇంకా చెప్పాలంటే అది నా శ్వాస. దేవుడి దయతో మాట్లాడాలంటే వస్తుంది ఈ ప్రాస. తెలుగు ఆడియన్స్‌ క్లాసా.. మాసా.. అనేది నాకు ఒక అవగాహన వుంది. ఈ చిత్రంలో 5 పాటలున్నాయి. ఒక్కొక్క సాంగ్‌ వెరైటీగా వుంటుంది. ఈ చిత్రంలో శింబు మెలోడీ సాంగ్‌ పాడారు. తెలుగు, తమిళ్‌ బైలాంగ్వేజ్‌లో ఈ చిత్రాన్ని నిర్మించాం. శింబు సినీ ఆర్ట్స్‌లో ‘కుర్రాడొచ్చాడు’ సినిమా తర్వాత డైరెక్ట్‌గా రిలీజ అవుతున్న తెలుగు సినిమా ఇది. సినిమా చాలా బాగా వచ్చింది. ఈ చిత్రాన్ని ఆదరించి చాలా పెద్ద హిట్‌ చెయ్యాలని కోరుకుంటున్నాను” అన్నారు.
