‘బాహుబలి’ చిత్రంతో ప్రపంచ వ్యాప్తంగా అభిమానులను సంపాదించుకున్న హీరో ప్రభాస్. ఆయన అభిమానుల‌కు కొన్ని నెల‌ల క్రితం మేడమ్ టుస్సాడ్స్ బిగ్ న్యూస్ చెప్పిన విష‌యం తెలిసిందే. ‘బాహుబలి’ చిత్రంలో ప్రభాస్ యుద్ధ వీరుడిగా కనిపించే వేషధారణతో ఆ విగ్రహాన్ని రూపొందిస్తున్నారు. ఇందుకు సంబంధించి గతేడాది మ్యూజియం సిబ్బంది ప్రభాస్ కొలతల్ని తీసుకెళ్లారు. తాజాగా ‘బాహుబలి’ మైనపు విగ్రహం ఫొటోలు కొన్ని బయటకు వచ్చాయి.
అయితే, ప్రభాస్ మామూలుగా బ‌య‌ట క‌నిపించేటట్లు కాకుండా బాహుబలి సినిమాలో ప్రభాస్ ఎలా క‌నిపించాడో అలా ఈ విగ్రహాన్ని రూపొందించారు. ప్రభాస్ ‘బాహుబలి’ గెటప్‌లో అక్క‌డే ఉన్నారా? అనేలా చాలా చక్కగా ఆయన విగ్రహాన్ని తీర్చిదిద్దారు. అంతేకాదు ‘బాహుబలి: ది బిగినింగ్‌’ క్లైమాక్స్‌లోని ఓ సన్నివేశాన్ని తలపించేలా విగ్రహం పరిసరాల్ని డిజైన్ చేశారు. ఈ మ్యూజియంలో చోటు సంపాదించుకున్న ఘ‌న‌త‌ను సొంతం చేసుకున్న మొట్ట‌మొద‌టి సౌత్ ఇండియ‌న్ స్టార్‌గా ప్రభాస్ నిలిచాడు.
ఇక ఈ విగ్రహం కోసం మేడమ్ టుస్సాడ్స్ మ్యూజియమ్ నిర్వాహకులు దాదాపు లక్షా 50 వేల పౌండ్స్ ఖర్చు చేశారు. మన కరెన్సీలో చెప్పాలంటే కోటీన్నర రూపాయలు.
