పవన్ కల్యాణ్ సినిమా బ్రో కోసం పవర్ స్టార్ అభిమానులు ఎదురుచూస్తున్నారు. ఈ సినిమా జులై 28న రిలీజ్ కానుంది. అయితే ఇదే సమయంలో బ్రో మూవీ ప్రొడ్యూసర్ టీజీ విశ్వప్రసాద్ ఓ గుడ్ న్యూస్ చెప్పారు. బ్రో మూవీ టికెట్ల ధర పెంచడం లేదని స్పష్టం చేశారు. సినిమాను పరిమిత బడ్జెట్ లోనే తీసినట్లు తెలిపారు. అందుకే బ్రో సినిమా టికెట్ల ధర పెంచకూడదని నిర్ణయించినట్లు వెల్లడించారు. దీంతో పవర్ స్టార్ ఫ్యాన్స్ తో పాటు సాధారణ ప్రేక్షకులు కూడా తమ సంతోషాన్ని వ్యక్తం చేస్తున్నారు.
త్రివిక్రమ్ డైలాగ్ రైటింగ్స్‌లో సముద్రఖని డైరెక్షన్లో, సాయి ధరమ్‌ తేజ్‌ అండ్ పవర్ స్టార్ కాంబోలో తెరకెక్కిన ఈ చిత్రం మరి ఏ స్థాయి విజయాన్ని సాధిస్తోందో చూడాలి. తమిళ్‌ సినిమా వినోదయ సీతం కు రిమేక్‌గా వస్తున్న ఈ సినిమా తాజాగా పోస్ట్ ప్రొడక్షన్ వర్క్ కూడా కంప్లీట్ చేసుకుని జూలై 28 థియేటర్లలోకి రావడానికి రెడీగా ఉంది. ఈ క్రమంలోనే ఈ మూవీ థియేట్రికల్ ట్రైలర్‌ను కట్ చేసి సినిమా రిలీజ్ కు ముందే పవన్ మార్క్ ట్రైలర్ ను విడుదల చేసే పనిలో పడింది. ఇప్పటికే ట్రైలర్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. మరి ట్రైలర్ లో పవన్ ఎలాంటి డైలాగ్స్ పలుకుతారో చూడాలి.
Also Read:అల్లం ‘టీ’తో ప్రయోజనాలు..
ఇదిలా ఉంటే.. పవన్ పై కొన్ని మీడియా సంస్థలు విష ప్రచారం చేస్తున్నాయి. పవన్ కళ్యాణ్ ప్రస్తుతం రాజకీయంపై ఫోకస్ పెట్టారని.. సినిమాల్లో వరుస ప్రాజెక్ట్‌లకు సైన్ చేసేసి.. పవన్ మాత్రం వారాహి యాత్రలో భాగంగా బిజీగా ఉన్నాడని ఆరోపిస్తున్నారు. పవన్ డేట్స్ ఇవ్వకుండా.. నిర్మాతలకు పెద్ద తలనొప్పిగా మారారు అని విమర్శలు చేస్తున్నారు. ప్రస్తుతం పవన్ కళ్యాణ్ చేతిలో హరిహర వీరమల్లు, ఉస్తాద్ భగత్ సింగ్, ఓజీ వంటి చిత్రాలు ఉన్నాయి.
Also Read:హిడింబ ప్రీమియర్ టాక్ ఇదే
