యంగ్ టైగర్ ఎన్టీఆర్ హీరోగా కొరటాల శివ దర్శకత్వంలో తెరకెక్కుతున్న ‘దేవర’ మూవీ నుంచి బిగ్ అప్‌ డేట్ వచ్చింది. ఈ సినిమాలోని ఓ భారీ యాక్షన్ సీక్వెన్స్ ను పూర్తి చేసుకుందని.. అలాగే మరో షెడ్యూల్ కి సంబంధించి కూడా డేట్స్ ఫిక్స్ అయ్యాయని చిత్రబృందం క్లారిటీ ఇచ్చింది. ఈ నెల 20 నుంచి 24 వరకు సోల్మన్ మాస్టర్ కొరియోగ్రఫీలో యాక్షన్ సీక్వెన్స్ చిత్రీకరించనున్నారు. ఈ షెడ్యూల్ లో జూ.ఎన్టీఆర్, ప్రకాష్ రాజ్, శ్రీకాంత్ పాల్గొననున్నారు. అన్నట్టు ఈ సినిమాలో హీరో అల్లు అర్జున్ కుమార్తె అల్లు అర్హ కూడా ఒక కీలక పాత్రలో కనిపించనున్నారని టాక్ నడుస్తోంది.
మరి నిజంగానే అల్లు అర్హ ‘దేవర’ సినిమాలో నటిస్తోందా ?, నటిస్తే బన్నీ ఫ్యాన్స్ కూడా ఎన్టీఆర్ సినిమాకి సపోర్ట్ చేసే ఛాన్స్ ఉంది. ఈ సినిమాలో అల్లు అర్హ నటించేందుకు అల్లు అర్జున్ కూడా గ్రీన్ సిగ్నల్ ఇచ్చారట. ఇంతకీ అల్లు అర్హ ఏ పాత్రలో నటిస్తోందో తెలుసా ?, హీరోయిన్ జాన్వీ కపూర్ చిన్నప్పటి పాత్రలో అర్హ కనిపించనుంది. జాన్వీ కపూర్ ఫాదర్ సైఫ్ అలీఖాన్ అని, కాబట్టి.. అల్లు అర్హ – సైఫ్ అలీఖాన్ తండ్రీకూతుళ్లుగా నటిస్తున్నారు. పది నిమిషాలు ఉండే అర్హ పాత్రకు రూ.20 లక్షలు రెమ్యూనరేషన్ తీసుకుంటున్నట్లు టాక్.
Also Read:Pawan:ఆ రెండు సినిమాలకు బ్రేక్!
కాగా, బ్యాక్‌ టు బ్యాక్‌ షెడ్యూల్స్‌ తో చిత్రయూనిట్ శరవేగంగా దేవర సినిమా షూటింగ్‌ను పూర్తి చేస్తున్నారు. సముద్రం నేపథ్యంలో తెరకెక్కుతున్న ఈ సినిమాలో తారక్‌ చాలా పవర్ ఫుల్ పాత్రలో నటిస్తున్నాడు. ముఖ్యంగా సముద్రంలో ఎన్టీఆర్ పై వచ్చే యాక్షన్ సీక్వెన్స్ లు సినిమాలోనే మెయిన్ హైలైట్ గా నిలుస్తాయట. కేవలం ఈ సీక్వెన్స్ లను దృష్టిలో పెట్టుకునే హాలీవుడ్ స్టార్ యాక్షన్ కొరియోగ్రాఫర్ కెన్నీ బేట్స్ ను ఈ సినిమాకు తీసుకున్నారు.
Also Read:వింబుల్డెన్ విజేతగా అల్కరాజ్..
