నాకు ప్రాణ హాని ఉందని, తన తుపాకీ లైసెన్సు రెన్యువల్‌ చేయాలని సినీ నటుడు నరేష్.. శ్రీసత్యసాయి జిల్లా పుట్టపర్తి ఎస్పీ మాధవరెడ్డిని నరేష్ కలిశారు. నక్సల్స్‌ హిట్ లిస్టులో ఉండడంతో తనకు 2008లో గన్ లైసెన్సు మంజూరు చేశారని, ప్రస్తుతం కూడా హాని ఉన్నందున రెన్యువల్‌ చేయాలని కోరుతూ దరఖాస్తు చేసుకున్నారు. దరఖాస్తు స్వీకరించిన ఎస్పీ.. ఉన్నతాధికారులకు పంపుతామని తెలిపారు. అయినా, నాకు ప్రాణ హాని ఉంది.. గన్ లైసెన్స్ ఇప్పించండి అని నరేష్ కోరడం ఇప్పుడు హాట్ టాపిక్ అయింది. సినిమా ఇండస్ట్రీలో నరేష్ ప్రస్తుతం ఫుల్ బిజీగా ఉన్నాడు.
క్యారెక్టర్ ఆర్టిస్ట్ గా ఆయన చేసిన సామజవరగమన సినిమా కూడా ప్రస్తుతం కలెక్షన్లలో దూసుకుపోతోంది. శ్రీవిష్ణు హీరోగా రామ్ అబ్బరాజు తెరకెక్కించిన ఈ చిత్రంలో నరేష్ పాత్ర చాలా కీలకం. పైగా నరేష్ కామెడీ సినిమాలో అద్భుతంగా వర్క్ అవుట్ అయింది. అందుకే ఈ చిత్రం కేవలం వారం రోజులులోనే 30 కోట్లు కలెక్ట్ చేసి సూపర్ హిట్ గా నిలిచింది. అటు హీరో శ్రీ విష్ణు కెరీర్ లోనూ బిగ్గెస్ట్ గ్రాసర్ గా నిలిచింది.
అయితే ఈ చిత్రానికి ముందుగా శ్రీవిష్ణు ని హీరోగా అనుకోలేదట దర్శకుడు. ఆయన గత చిత్రానికి నిర్మాత అయిన సందీప్ కిషన్ తో చేద్దాం అనుకోగా.. సందీప్ మైఖేల్ చిత్రంతో బిజీగా ఉండటంతో ఈ ప్రాజెక్టులోకి శ్రీవిష్ణు ఎంటర్ అయ్యాడు. అలాగే, నరేష్ పాత్రలోనూ మొదట రాజేంద్రప్రసాద్ ను అనుకున్నారు. ఆయన కూడా వేరే సినిమాలతో బిజీగా ఉండటం కారణంగా.. ఈ సినిమా నరేష్ దగ్గరకు వచ్చింది. దాంతో, ఈ ఏడాది నరేష్ ఖాతాలో మరో సాలిడ్ హిట్ పడింది. ఇంతకీ నరేష్ కి తుపాకీ లైసెన్సు రెన్యువల్‌ చేస్తారో లేదో చూడాలి.
Also Read:ఆ నటీమణులు షాకింగ్ కామెంట్స్
