ప్రపంచ వ్యాప్తంగా సినీ ప్రేక్షకులు ఎంతో ఆసక్తిగా ఎదురుచూసిన ‘బాహుబలి ది కన్‌క్లూజన్‌’ రీలీజై ఎంతటి సంచలనాలను సృష్టిస్తోందో తెలిసిందే. ఈ సినిమాపై సినీ ప్రముఖులు ప్రశంసల జల్లు కురిపిస్తున్నారు. అంచనాలకు తగినట్టే దర్శకధీరుడు ఎస్‌.ఎస్‌. రాజమౌళి ఈసినిమాను ఆద్యంతం ఉత్కంఠ రేకెత్తించేలా తీర్చిదిద్దారు. ఈ సందర్భంగా సోషల్‌మీడియాలో చిత్ర బృందంపై ప్రశంసలు వెల్లువెత్తాయి.
ఇప్పటికే పలు సినీ ప్రముఖులు బాహుబలి2 టీమ్‌ ని కంగ్రాట్స్‌ చెప్తున్నారు. అయితే ఇప్పటికే బాహుబలి 2 మూవీ అద్భుతంగా ఉందని కితాబిస్తున్నారు పలువురు ప్రముఖులు. ఇక ఇదే లిస్ట్‌ లో ఐటీశాఖ మంత్రి కేటీఆర్ కూడా చేరిపోయారు. బాహుబలి ది కంక్లూజన్ చిత్రంపై ప్రశంసల వర్షం కురిపించారు కేటీఆర్.
బాహుబలి సినిమా టికెట్స్ ఆన్ లైన్ బుకింగ్స్ .. నెల వరకు ఖాళీగా లేవంటే.. ఈ చిత్రం ఎంత పాపులారిటీ సాధించిందో అర్థమవుతోంది. ఒక చలన చిత్ర ప్రేమికుడిగా..ఈ సుదీర్ఘ కాలంలో ఇలాంటి మాయాజాలం చూడలేదన్నారు కేటీఆర్. బాహుబలి ది కంక్లూజన్.. ఓ విలక్షణమైన చిత్రం అన్నారు. ఈ ట్వీట్స్ పై రానా, రాజమౌళి ధన్యవాదాలు తెలిపారు కేటీఆర్. బాక్సాఫీస్ లో విడుదలైన తొలిరోజే.. రూ. 155 కోట్లు వసూల్ చేసిన తొలి భారతీయ చిత్రంగా బాహుబలి2 రికార్డు క్రియేట్ చేసింది.
