పవర్ స్టార్ పవన్ కళ్యాణ్, సుప్రీమ్ హీరో సాయి ధరమ్ తేజ్ కలిసి నటిస్తున్న చిత్రం ‘బ్రో ది అవతార్’. ఈ సినిమాకు సముద్రఖని దర్శకత్వం వహిస్తున్నారు. తాజాగా.. ఈ చిత్రం ప్రీ రిలీజ్ ఈవెంట్‌ను రాజమండ్రిలో నిర్వహించాలని మేకర్స్ ప్లాన్ చేస్తున్నట్లు వార్తలు వస్తున్నాయి. ఈ వార్తలు రావడానికి ఓ కారణం ఉంది. ప్రస్తుతం పవన్ కళ్యాణ్ రాజమండ్రిలో వారాహి యాత్రలో ఉన్నారు. ఈ నేపథ్యంలో ఈవెంట్‌ను అక్కడే చేసేందుకు టీమ్ మేకర్స్ ఆలోచిస్తున్నారనేది ఆ వార్తల సారాంశం.
అయితే, ఇదే విషయం పై ‘బ్రో’ టీమ్ మెంబర్స్ ను అడిగితే ఇందులో ఎలాంటి నిజం లేదు అని.. నిజానికి ఇప్పటి వరకూ ‘బ్రో’ సినిమా ప్రీ రిలీజ్ ఈవెంట్‌ పై ఎలాంటి నిర్ణయం తీసుకోలేదు అని, సినిమాలో ఇంకా మరో మూడు యాక్షన్ సీక్వెన్సెస్ షూట్ చేయాల్సి ఉందని.. కాబట్టి ఆ షూటింగ్ పూర్తి అయిన తర్వాతే.. ‘బ్రో’ ప్రీ రిలీజ్ ఈవెంట్‌ పై నిర్ణయం తీసుకుంటామని తెలియజేశారు. కాబట్టి.. బయట వస్తున్న రూమర్స్ లో ఎలాంటి వాస్తవం లేదు. ఇక యంగ్ బ్యూటీ ప్రియా ప్రకాష్ వారియర్ మరియు బోల్డ్ బ్యూటీ కేతిక శర్మ ఈ సినిమాలో హీరోయిన్లుగా నటిస్తున్నారు.
Also Read: బ్రీత్ ఇజ్ ఎమోషనల్‌ థ్రిల్లర్:చిత్ర యూనిట్
గతంలో, ‘శంభో శివ శంభో’ సినిమా చేసి డైరెక్టర్ గా సముద్రఖని సూపర్ హిట్ కొట్టాడు. అందుకే, ఈ సినిమా పై మంచి అంచనాలు ఉన్నాయి. ఈ సినిమాలో సాయి ధరమ్ తేజ్ మెయిన్ లీడ్ లో నటిస్తుండగా పవన్ కళ్యాణ్ ఓ గెస్ట్ అప్పీరెన్స్ లో కనపడనున్నారు. దర్శకుడు త్రివిక్రమ్ కూడా ఈ సినిమా స్క్రిప్ట్ లో భాగం అయ్యినట్టు కన్ఫర్మ్ అయ్యింది. మరి బాక్సాఫీస్ వద్ద ఈ సినిమా ఏ రేంజ్ సక్సెస్ ను సాధిస్తోందో చూడాలి.
Also Read: స్పైలో ఛాలెంజింగ్ రోల్..ఐశ్వర్య
