మెగాస్టార్ చిరంజీవి హీరోగా మెహర్ రమేష్ దర్శకత్వంలో తెరకెక్కుతున్న సినిమా ‘భోళాశంకర్’. ఈ చిత్రం నుంచి సాలిడ్ టీజర్ కట్ ని జూన్ 24న రిలీజ్ చేస్తున్నట్టు మేకర్స్ అనౌన్స్ చేసిన సంగతి తెలిసిందే. ఇప్పుడు టీజర్ లాంచ్ ఈవెంట్ అప్డేట్ ని ఇచ్చారు. జూన్ 24న హైదరాబాద్ లో సంధ్య 70 ఎం ఎం లో సాయంత్రం 4 గంటలకు లాంచ్ చేస్తున్నట్టుగా మేకర్స్ తెలియజేస్తూ పోస్టర్ ను రిలీజ్ చేశారు. ఉస్తాద్ భగత్ సింగ్, గుంటూరు కారం లాంటి సినిమాల టీజర్ లు కూడా క్రాస్ రోడ్స్ లోనే రిలీజ్ చేసిన సంగతి తెలిసిందే.
‘భోళా శంకర్’ సినిమా ఆగస్టు 11న రిలీజ్ కానుంది. ఈ క్రమంలో ఫ్యాన్స్ ‘వెయిటింగ్’ అంటూ ట్వీట్స్ చేస్తున్నారు. ఇక ప్రస్తుతానికి మెగాస్టార్ భోళా శంకర్ చిత్రం షూటింగ్ లో బిజీగా ఉన్నారు. ఈ సినిమాలో హీరో సుశాంత్ కీలక పాత్ర పోషిస్తున్నారు. చిరంజీవి సోదరిగా నటిస్తున్న కీర్తి సురేశ్‌కు ప్రియుడిగా సుశాంత్ గెస్ట్ రోల్ చేస్తున్నాడు. ప్రస్తుతం ఈ సినిమాకే మెగాస్టార్ ఎక్కువ సమయాన్ని కేటాయిస్తున్నారు. ఈ సినిమాలో మెగాస్టార్ పాత్రలో రెండు షేడ్స్ ఉంటాయి. సినిమాలోనే ఈ షేడ్స్ హైలైట్ గా నిలుస్తాయని తెలుస్తోంది.
Also Read: పిక్ టాక్ : యువతను చిత్తు చేసింది
ఈ సినిమాలో దర్శకుడు మెహర్ రమేష్ రెండు మాస్ ట్రాక్ లు యాడ్ చేశారు. మాస్ ఎలివేషన్లను మెహర్ రమేష్ చాలా బాగా హ్యాండిల్ చేస్తాడు. పైగా మాస్ ఎలివేషన్లలో మెగాస్టార్ చిరంజీవి కూడా అదిరిపోతారు. మొత్తానికి సిస్టర్ సెంటిమెంట్ తో పాటు భారీ యాక్షన్ టచ్ తో ఈ ‘భోళా శంకర్’ రాబోతున్నాడు. మరి ఈ ‘భోళా శంకర్’ సినిమా ఎలా ఉంటుందో చూడాలి. మెగా ఫ్యాన్స్ ఐతే, ఈ సినిమా పై భారీ అంచనాలు పెట్టుకున్నారు. ఈ చిత్రానికి మహతి సాగర్ సంగీతం అందిస్తుండగా ఏకే ఎంటర్టైన్మెంట్స్ వారు నిర్మాణం వహిస్తున్నారు.
Also Read: మహేష్ మూవీకే ఎందుకిలా.. ?
