ఎలాంటి పాత్ర అయిన అలవోకగా చేయగల నటులలో ఎన్టీఆర్ ముందు వరుసలో ఉంటారు. నటనలోనూ, డ్యాన్స్ లలోనూ, ఎమోషన్స్ పండించడంలోనూ తన తరువాతే ఎవరైనా అని యంగ్ టైగర్ ఇప్పటికే చాలాసార్లు నిరూపించుకున్నాడు కూడా. ఇక పాత్ర కోసం తనను తాను మలుచుకోవడంలో కూడా ఎన్టీఆర్ ముందే ఉంటాడు. టెంపర్, జై లవకుశ వంటి సినిమాల్లో కాస్త విలన్ షెడ్ లో కనిపించిన తారక్.. ఆ మూవీల్లో తారక్ డైలాగ్ డెలివరీ, బాడీ లాంగ్వేజ్ ను ఆడియన్స్ అంతా తేలికగా మర్చిపోలేరు. మరి ఆ స్థాయిలో పర్ఫామెన్స్ ఇచ్చే తారక్ పూర్తి స్థాయిలో విలన్ రోల్ లో నటిస్తే ఇండియన్ బాక్సాఫీస్ షేక్ అవ్వడం ఖాయం అనే చెప్పాలి. అయితే ఎన్టీఆర్ త్వరలోనే పూర్తి స్థాయిలో విలన్ రోల్ లో మెప్పించే అవకాశం ఉందని బాలీవుడ్ సినీ వర్గాలు కోడై కుస్తున్నాయి.
యష్ రాజ్ స్పై యూనివర్స్ లో భాగంగా హృతిక్ రోశన్ తో తీయబోతున్న ” వార్ 2 ” మూవీ తారక్ విలన్ గా కనిపించబోతున్నాడని గుసగుసలు వినిపిస్తున్నాయి. ఇప్పటికే తారక్ తో సంప్రదింపులు జరిపినట్లు కూడా తెలుస్తోంది. విభిన్న పాత్రలు చేయడానికి ముందు వరుసలో ఉండే ఎన్టీఆర్.. వార్ 2 మూవీలో విలన్ గా నటించేందుకు ఒకే చెప్పినట్లుగా వార్తలు వస్తున్నాయి. ప్రస్తుతం కొరటాల శివ దర్శకత్వంలో నటిస్తున్న తారక్, ఆ తరువాత ప్రశాంత్ నీల్ తో ఓ సినిమా చేయనున్నాడు. ఆ తరువాత వార్ 2 లో నటించే అవకాశం ఉందట. ఇదే గనుక నిజం అయితే అభిమానులకు పూనకాలే అని చెప్పవచ్చు. ఆర్ ఆర్ ఆర్ తరువాత ఎన్టీఆర్ కు నార్త్ లో కూడా విపరీతమైన క్రేజ్ ఏర్పడింది. అందువల్ల హృతిక్ రోశన్ లాంటి బాలీవుడ్ హీరోతో ఎన్టీఆర్ తలపడితే.. ఇండియన్ బాక్సాఫీస్ రికార్డులన్నీ తుడిచిపొట్టుకుపోవడం ఖాయం. మరి ప్రస్తుతం వైరల్ అవుతున్న న్యూస్ నిజమో కాదో తెలియాలంటే మరికొద్ది రోజులు వెయిట్ చేయాల్సిందే.
