మాస్ మహారాజా రవితేజ కొడుకు మహాధన్ టాలీవుడ్ ఎంట్రీ ఇస్తున్నట్లు సోషల్ మీడియాలో వార్తలు వైరల్ అవుతున్న సంగతి తెలిసిందే. అయితే ఈ వార్తల పై తాజాగా ఓ ఇంటర్వ్యూలో రవితేజ ఆసక్తికర వ్యాఖ్యలు చేశారు. మీ వారసుడి రాక ఎప్పుడు ? అని యాంకర్ అడిగిన ఓ ప్రశ్నకు.. ఈ సందర్భంగా మాట్లాడిన రవితేజ.. మహాధన్ తన కెరీర్ పట్ల ఫుల్ క్లారిటీతో ఉన్నాడు. అసలు మాహాధన్ సినిమాల్లోకి రావచ్చు, రాకపోవచ్చు. ప్రస్తుతం వాడు లైఫ్‌ని ఎంజాయ్ చేస్తున్నాడు. పెద్దయ్యాక సినిమాలంటే ఇష్టం ఉంటే వస్తాడు, లేకపోతే తనకు ఏది ఇంట్రెస్ట్ ఉందో అందులోకి వెళ్తాడు. సినిమాల్లోకి వస్తానంటే మాత్రం నేను అడ్డు చెప్పను, అలాగే సలహాలు కూడా ఇవ్వను’ అని రవితేజ చెప్పుకొచ్చాడు.
‘రావణాసుర’ మూవీ ప్రమోషన్స్‌లో భాగంగా రవితేజ పై విధంగా తన వారసుడి గురించి మాట్లాడాడు. ఇక మాస్ మహారాజా రవితేజ ‘రావణాసుర’తో మొదటిసారి పూర్తి క్రైమ్ థ్రిల్లర్ ని ప్రయత్నించారు. థ్రిల్లర్ జానర్‌ లో సినిమాలు తీయడంలో స్పెషలిస్ట్ అయిన సుధీర్ వర్మ దర్శకత్వం వహించిన చిత్రమిది. ఈ సినిమా పై భారీ అంచనాలు ఉన్నాయి. ఇప్పటికే రిలీజ్ అయిన ఈ సినిమా ట్రైలర్ కూడా విపరీతంగా ఆకట్టుకుంది. మరి బాక్సాఫీస్ వద్ద ఈ సినిమా ఏ రేంజ్ హిట్ ను సాధిస్తోందో చూడాలి.
అన్నట్టు ఈ రావణాసుర సినిమా హీరోలు లేరనే ట్యాగ్‌లైన్ తో వస్తోంది. అసలు రవితేజ మంచోడా ? చెడ్డోడా ? అనే ఆసక్తిని పెంచుతూ సినిమా సాగుతుందట. ఐతే, ఇక్కడ ఒక సమస్య ఉంది. ఇలాంటి థ్రిల్లర్ సినిమాలు ట్రైలర్ వరకూ చాలా బాగుంటాయి. కానీ ట్రైలర్ లో చూపించిన టెంపోని సినిమా మొత్తం మెయింటైన్ చేయాలి అంటే చాలా కష్టం. మరి రావణాసుర’ టీమ్ ఆ కష్టాన్ని ఎలా హ్యాండిల్ చేశారో చూడాలి.
ఇవి కూడా చదవండి…
