మెగాస్టార్ చిరంజీవి – మాస్ మహారాజా రవితేజ కలయికలో.. గ్లామర్ బ్యూటీ శృతి హాసన్ హీరోయిన్ గా నటించిన ‘వాల్తేరు వీరయ్య’ సినిమా గ్రాండ్ గా రిలీజ్ అయ్యి బ్లాక్ బస్టర్ హిట్ ను సాధించింది. తాజాగా ఈ చిత్రం ఓటీటీ రిలీజ్ డేట్ ఫిక్స్ అయ్యింది. ప్రముఖ ఓటీటీ దిగ్గజం నెట్‌ఫ్లిక్స్ ఈ సినిమా ఓటీటీ హక్కులను పొందిన సంగతి తెలిసిందే. ఈ చిత్రాన్ని 2023 ఫిబ్రవరి 27న నేటి ఫ్లిక్స్ తన ప్లాట్‌ ఫామ్‌లో స్ట్రీమింగ్ చేయబోతుంది. ట్విట్టర్ వేదికగా ఈ విషయాన్ని అధికారికంగా ప్రకటించింది. ప్రస్తుతం ఈ అప్ డేట్ నెట్టింట వైరల్ అవుతుంది.
పూనకాలు లోడింగ్ అంటూ హై వోల్టేజ్ యాక్షన్ అండ్ ఎమోషనల్ ఎంటర్టైనర్ గా వచ్చిన వాల్తేరు వీరయ్య ప్రపంచవ్యాప్తంగా సాలిడ్ కలెక్ష‌న్లను రాబ‌ట్టింది. వాల్తేరు వీరయ్య సినిమా విజ‌యం మెగాస్టార్ చిరంజీవి కెరీర్ కే స్పెషల్ గా నిలిచింది. నిజానికి రవితేజ పాత్ర వ‌ల్లే వాల్తేరు వీరయ్య సెకండాఫ్‌కు అందం వ‌చ్చింది.
బాబీ డైరెక్షన్లో వచ్చిన ఈ సినిమా మొదటి షోతో హిట్ టాక్ తెచ్చుకుని.. బాక్సాఫీస్ వద్ద దుమ్ములేపుతుంది. ఈ చిత్రానికి దేవిశ్రీ ప్రసాద్ సంగీతం అందించగా మైత్రి మూవీ మేకర్స్ నిర్మాణం వహించారు. అలాగే శృతి హాసన్ మరియు క్యాథెరిన్ లు హీరోయిన్స్ గా నటించారు. ఓవరాల్ గా ఈ సినిమా ఆడియన్స్ ను బాగా ఆకట్టుకుంది. మెగా ఫ్యాన్స్ కి ఫుల్ పూనకాలను ఇచ్చింది.
ఇవి కూడా చదవండి…
