గతేడాది రవితేజ నుండి వచ్చిన మూడు సినిమాల్లో ధమాకా ఒక్కటి మాత్రమే కమర్షియల్‌గా విజయం సాధించింది. నక్కిన త్రినాధరావు దర్శకత్వం వహించిన ధమాకా 100 కోట్ల గ్రాస్ అందుకొని బ్లాక్ బస్టర్ హిట్ అనిపించుకుంది. ఇక ఈ ఏడాది కూడా రవితేజ ‘వాల్తేరు వీరయ్య’ తో ప్రేక్షకుల మునుడుకొచ్చాడు.
‘వాల్టెయిర్ వీరయ్య’ అద్భుతమైన విజయం సాధించింది. చిరంజీవి ప్రధాన పాత్రలో నటించిన ఈ చిత్రంలో రవితేజ ముఖ్యమైన పాత్ర పోషించాడు. రవితేజ ప్రస్తుతం సుధీర్ వర్మ దర్శకత్వంలో ‘రావణాసుర’ సినిమా చేస్తున్నాడు. ఈ ఏడాది మాస్ మహారజా మరో మూడు సినిమాలు విడుదలకు సిద్ధంగా ఉన్నాయి.
‘రావణాసుర’ 2023 ఏప్రిల్‌లో షెడ్యూల్ చేశారు నిర్మాతలు. ఆ తర్వాత, ‘టైగర్ నాగేశ్వరరావు’ లైన్లో ఉంది. ‘టైగర్ నాగేశ్వరరావు’ రవితేజ చేస్తున్న మొదటి పాన్ ఇండియా మూవీ ఈ సినిమా షూటింగ్ స్టేజీలో ఉంది. ఈ రెండు సినిమాలు కాకుండా కార్తీక ఘట్టమనేని డైరెక్షన్ లో ఓ యాక్షన్ థ్రిల్లర్ సినిమా చేస్తున్నాడు రవితేజ. ఈ సినిమా కూడా ఇదే ఏడాది థియేటర్స్ లోకి రానుంది.
‘ధమాకా’ , ‘వాల్టెయిర్ వీరయ్య’ సినిమాలతో బ్యాక్ టు బ్యాక్ బ్లాక్ బస్టర్స్ అందుకున్న రవితేజ ఈ ఏడాది మరో రెండు సినిమాలను రిలీజ్ చేయడం పక్కా. ఆ రెండు హిట్టయితే రవితేజకి 2023 హ్యాట్రిక్ హిట్ ఇయర్ అవుతుంది.
ఇవి కూడా చదవండి…
