ఈ నెలాఖరున క్రిస్మస్ కానుకగా రవితేజ ధమాకా తో పాటు నిఖిల్ 18 పేజెస్ సినిమా కూడా రానుంది. ఈ సినిమాకు సంబంధించి ఇప్పటికే రిలీజ్ డేట్ తో ప్రమోషన్స్ మొదలు పెట్టేశారు. ఈ సినిమా నాలుగైదు నెలల క్రితమే షూట్ కంప్లీట్ చేసుకుంది. కానీ అప్పటి నుండి ప్యాచు, ప్యాచులుగా షూట్ జరుగుతూనే ఉంది. ప్రస్తుతం ఈ సినిమాకు సంబంధించి ఇంకా షూట్ చేస్తున్నారు యూనిట్. ఈ వారంలో గుమ్మడి కొట్టాలని చూస్తున్నారు.
అయితే ఈ సినిమాకు జరుగుతుంది షూట్ కాదని , అల్లు అరవింద్ , సుకుమార్ సజిషన్స్ మేరకు సినిమాలో కొన్ని సన్నివేశాలను రీ షూట్స్ చేస్తున్నారని తెలుస్తుంది. ఇంకా ఇరవై రోజుల్లో రిలీజ్ పెట్టుకొని టీం ఇంకా షూట్ తో బిజీ గా ఉంటున్నారు. నిజానికి గీతా ఆర్ట్స్ లో లాస్ట్ మినట్ వరకు ఏవో మార్పులు జరుగుతూనే ఉంటాయనేది తెలిసిందే. ఎన్నో సందర్భాల్లో ఆ సంస్థలోని వ్యక్తులే ఆ విషయం చెప్పారు.
ఇక నిఖిల్ కార్తీకేయ 2 రిలీజ్ తర్వాత 18 పేజెస్ టీం మరింత యాక్టివ్ అయ్యి తగినన్ని మార్పులు చేశారని ఇన్సైడ్ టాక్. రీ షూట్స్ చేయడం తప్పేం కాదు కానీ కొన్ని సార్లు మేకర్స్ వద్దనుకున్న సన్నివేశాలే థియేటర్స్ లో పేలే అవకాశం ఉంది. వాళ్ళు మళ్ళీ రీ షూట్ చేసిన సీన్స్ మెప్పించకను పోవచ్చు. ఏదేమైనా నిఖిల్ ప్రస్తుతం షూట్ తో బిజీ గా ఉంటున్నాడు. త్వరలోనే ఈ సినిమా ప్రమోషన్స్ ను స్టార్ట్ చేసి ఎక్కడా చూసిన తనే కనిపించేటట్టు ఓ ప్రణాళిక సిద్దం చేసేసుకున్నాడు.
ఇవి కూడా చదవండి…
