మహేష్ బాబు హీరోగా త్రివిక్రమ్ ద‌ర్శ‌క‌త్వంలో రూపొందుతోన్న చిత్రం చిత్రీకరణకు రంగం సిద్ధం అవుతుంది. దాదాపు 140 కోట్ల వ్య‌యంతో అత్యంత భారీ బ‌డ్జెట్ సినిమాల్లో ఒక‌టిగా పాన్ ఇండియ‌న్ స్థాయిలో మహేష్ బాబు సినిమా తెర‌కెక్కుతోంది. ఢిల్లీ నేపథ్యంలో సాగే ఓ తెలుగు వ్యక్తి జర్నీ నే ఈ చిత్రం. అలాగే ఓ థ్రిల్ల‌ర్ క‌థాంశంతో భారీ యాక్షన్ ప్రాజెక్ట్ గా ఈ చిత్రం రూపొంద‌నుంది. మహేష్ బాబు పాత్రను ఒక సూప‌ర్ హీరో క‌థాంశంలో పెట్టి త్రివిక్రమ్ ఈ సినిమాను తెర‌కెక్కిస్తున్నాడు.
ముఖ్యంగా మహేష్ బాబు యూనిక్ క్యారెక్టరైజేషన్ లో కనిపించబోతున్నాడు. హీరోగా మహేష్ రోల్ ప‌వ‌ర్‌ ఫుల్‌గా ఉంటుంద‌ట. రాజకీయ దోపిడీ దారులతో మహేష్ ఎలాంటి పోరాటం చేశాడ‌న్న‌ది ఈ సినిమా క‌థ అని చెబుతున్నారు. అలాగే ఇంటర్వెల్ లో పీరియాడిక్ ట‌చ్‌ కూడా ఉంటుందని.. 100 ఏళ్ల నాటి తాలూకు ఎపిసోడ్ ఒకటి ప్రేక్షకులను బాగా ఆకట్టుకుంటుందని తెలుస్తోంది. అంత కొత్తగా బలంగా ద‌ర్శ‌కుడు త్రివిక్రమ్ ఈ క‌థ‌ను రాసుకున్నాడట.
ఈ సినిమాలో పూజా హెగ్డే ను హీరోయిన్‌ గా ఫైనల్ చేశారు. అలాగే ఈ సినిమాలో మరో బాలీవుడ్ స్టార్ కూడా కనిపించబోతున్నాడు. ఇదే నిజం అయితే, మహేష్ ఈ సినిమాతో బాలీవుడ్‌లోకి కూడా ఎంట్రీ ఇవ్వ‌బోతునట్లే. ఇక తెలుగుతో పాటు హిందీ భాష‌ల్లో ఏక‌కాలంలో ఈ సినిమాను రూపొందించడానికి త్రివిక్రమ్ కసరత్తులు చేస్తున్నాడు. అలాగే త‌మిళం, క‌న్న‌డ, మ‌ల‌యాళం, ఇంగ్లీష్ బాష‌ల్లోకి కూడా డ‌బ్ చేయాలనేది త్రివిక్రమ్ ప్లాన్.
ఇవి కూడా చదవండి..
