మాస్ మహారాజా నో గ్యాప్ అంటూ జెట్ స్పీడులో సినిమాలు చేస్తున్నాడు. ప్రస్తుతం రవితేజ చేతిలో నాలుగు సినిమాలున్నాయి. ‘ధమాకా’ , ‘రావణాసుర’, ‘టైగర్ నాగేశ్వరరావు’ వీటితో పాటు మెగాస్టార్ చిరంజీవి తో చేస్తున్న ‘వాల్తేరు వీరయ్య’ ఉంది. ప్రస్తుతం ధమాకా షూటింగ్ తో పాటు చిరంజీవి సినిమాకు సంబంధించిన షూటింగ్ కూడా పూర్తి చేశాడు రవితేజ. టైగర్ నాగేశ్వరరావు, రావణాసుర సెట్స్ పై ఉండగానే మరో స్టైలిష్ యాక్షన్ సినిమాకు కూడా ఇటివలే గ్రీన్ సిగ్నల్ ఇచ్చేసి సెట్స్ పైకి తీసుకొచ్చేశాడు.
కార్తిక్ ఘట్టమనేని దర్శకత్వంలో ఈగల్ అనే సినిమా చేస్తున్నాడు రవితేజ. ధమాకా , వాల్తేరు వీరయ్య షూటింగ్ పూర్తవ్వగానే ఈ సినిమాను కూడా స్టార్ట్ చేసేసి నో గ్యాప్ నో బ్రేక్ అంటూ దూసుకెళ్తున్నాడు. క్రాక్ తర్వాత రవితేజ స్పీడ్ పెంచేసి సినిమాలు చేస్తున్నాడు. ఆ సినిమా తర్వాత వచ్చిన ఖిలాడి డిజాస్టర్ అందుకున్నాడు. అందుకే నెక్స్ లైనప్ పై ప్రత్యేక దృష్టి పెట్టాడు.
డిసెంబర్ లో ధమాకా సినిమాతో థియేటర్స్ లోకి ఎంట్రీ ఇస్తున్న రవితేజ జనవరిలో మళ్ళీ వాల్తేరు వీరయ్య తో ప్రేక్షకుల ముందుకు రానున్నాడు. అంటే రవితేజ నుండి నెలకో సినిమా రాబోతుందన్నమాట. సమ్మర్ లో రావణాసుర , కార్తిక్ తో చేస్తున్న స్టైలిష్ యాక్షన్ సినిమా ఈగల్ తో రావాలని చూస్తున్నాడు. వచ్చే ఏడాది చివర్లో ‘టైగర్ నాగేశ్వరరావు’ రిలీజ్ అయ్యే చాన్స్ ఉంది. అంటే వచ్చే ఏడాది రవితేజ నుండి నాలుగు సినిమాలు రావాడం పక్కా అన్నమాట.
ఇవి కూడా చదవండి..
