కొరటాల శివ దర్శకత్వ ప్రతిభ, సంభాషణల బలం గురించి కొత్తగా చెప్పడానికేం లేదు. కానీ ఇటీవలి కాలంలో కొరటాల శివ అనుసరిస్తున్న శైలి పట్ల అభిమానులే అసంతృప్తి వ్యక్తం చేస్తున్నారు. ఆచార్య విషయంలోనే కొరటాల శివ పై బాగా నెగిటివ్ ప్రచారం జరిగింది. సరే, ఆ సినిమా ఎందుకు ప్లాప్ అయింది ?, తప్పెవరిది ?, అసలు తెరవెనుక ఏం జరిగిందనేది లోగుట్టు పెరుమాళ్ళకెరుక. ఎన్టీఆర్ సినిమా కథ రాసేందుకే దీన్ని నిర్లక్ష్యం చేసి వదిలేశారన్న కామెంట్స్ కు సమాధానం దొరకలేదు. సరే అయిందేదో అయ్యింది ఎన్టీఆర్ తో జట్టు కట్టాక ఫ్యాన్స్ లో కొత్త ఉత్సాహం వచ్చింది. జనతా గ్యారేజ్ ని మించే మేజిక్ ని, ఆచార్య గాయాన్ని మాన్పే అద్భుతాన్ని ఈ సారి కొరటాల నుంచి రాబోతుందని ప్రచారం జరిగింది.
ఎన్టీఆర్ ఫ్యాన్స్ కూడా కొరటాల శివ నుంచి ఎక్కువ ఆశించడం మొదలుపెట్టారు. తీరా చూస్తే ఎన్టీఆర్ తో కొరటాల సినిమా మరీ నత్తనడకనే సాగుతోంది. అయినా ముందు నుంచీ ఈ సినిమా విషయంలో చాలా ఆలస్యం జరుగుతూనే ఉంది. ఈ సినిమా నుంచి త్వరలోనే ఓ కీలక అప్ డేట్ ను రివీల్ చేస్తారేమో అని ఎన్టీఆర్ అభిమానులు ఎదురు చూస్తున్నారు. కానీ దానికి బదులు సోషల్ మీడియాలో ఎప్పుడో లీక్ అయిన విషయాల గురించే అప్ డేట్లు వస్తున్నాయి.
అయినా ఎన్టీఆర్ – కొరటాల శివ సినిమా సముద్రం నేపథ్యంలో వస్తోందనే విషయం ఎప్పుడో తెలుసు. ఈ విషయం గురించి కొరటాల టీమ్ కొత్తగా రివీల్ చేసేదేం ఉంది ?, ఏది ఏమైనా ఈ సినిమా తాలూకు హడావిడి ఎక్కువగా కనిపించకపోతే ఎన్టీఆర్ ఫ్యాన్స్ హర్ట్ అవుతారు. అయినా ఇంకా కొరటాల ఈ సినిమా రెగ్యులర్ షూట్ ప్రాపర్ గా ప్లాన్ చేయకపోవడం కరెక్ట్ కాదు. అసలు ఇంతలాస్యం ఎందుకు కొరటాలా ? అంటే సమాధానం ఏదీ?
ఇవి కూడా చదవండి…
