మునుగోడు ఉప ఎన్నికల ప్రచారం జోరందుకుంది. టీఆర్ఎస్ అభ్యర్థికి మద్దతుగా మంత్రులు, ఎమ్మెల్యేలు పెద్ద ఎత్తున ప్రచారం నిర్వహిస్తున్నారు. ఈ నేపథ్యంలో పలివెల చెక్ పోస్టు వద్ద మంత్రి ఎర్రబెల్లి కాన్వాయ్‌ ఆపిన పోలీసులు తనిఖీ చేశారు. ఎర్రబెల్లి కారుతో పాటు మిగిలిన వాహనాలను క్షుణ్ణంగా తనిఖీ చేశారు.
అనంతరం ఎమ్మెల్సీ ఎల్‌ రమణతో కలిసి మంత్రి ఎర్రబెల్లి దయాకర్‌ రావు చండూరు మున్సిపాలిటీలో ప్రచారం నిర్వహించాచు. మున్సిపాలిటీలోని ఒకటి, రెండో వార్డుల్లో ఇళ్లిళ్లూ తిరుగుతూ వారి సమస్యలను అడిగి తెలుసుకున్నారు. కూసుకుంట్లను భారీ మెజార్టీతో గెలిపించాలని కోరారు. కారు, సారు, సర్కారును మరవొద్దని సూచించారు.
గట్టుప్పల్‌ మండలంలో మాజీ మంత్రి మోత్కుపల్లి నర్సింహులుతో కలిసి పార్టీ అభ్యర్థి కూసుకుంట్ల ప్రభాకర్‌ రెడ్డి రోడ్‌ షో నిర్వహించారు. మునుగోడులో నిలిచిన అభివృద్ధి కొనసాగాలనే ఉపన్నికల్లో తనను గెలిపించాలన్నారు.
