లోకేష్ కనగరాజ్ దర్శకత్వంలో కార్తి హీరోగా తెరకెక్కిన చిత్రం ఖైదీ. బాక్సాఫీస్ వద్ద భారీ వసూళ్లను రాబట్టగా కార్తి కెరీర్లో బిగ్గెస్ట్ హిట్‌గా నిలిచింది. తాజాగా ఈ సినిమాకు సీక్వెల్‌ రానుంది. తాజాగా ఈ సినిమాకు సంబంధించి కీలక అప్‌డేట్ ఇచ్చారు హీరో కార్తీ.
కార్తీ హీరోగా, రాశిఖన్నా, రాజీషా విజయం హీరోయిన్స్ గా, ఒకప్పటి హీరోయిన్ లైలా ముఖ్యపాత్రలో పీఎస్‌ మిత్రన్‌ దర్శకత్వంలో ఎస్‌.లక్ష్మణ్‌ కుమార్‌ నిర్మించిన తమిళ చిత్రం ‘సర్దార్‌’. సినిమా ప్రీ రిలీజ్ ఈవెంట్ హైదరాబాద్‌లో జరుగగా నాగార్జున ముఖ్య అతిథిగా విచ్చేశారు.
ఈ సందర్భంగా మాట్లాడిన కార్తీ…నాగార్జునతో ఊపిరి సినిమా నుంచి తనకున్న రిలేషన్ గురించి తెలిపారు. ఒక అన్నయ్యలా, హైదరాబాద్ కి వస్తే ఒక ఫ్యామిలీ మెంబర్ లా, అలాగే నా కెరీర్లో కూడా చాలా సపోర్ట్ చేస్తారు నాగార్జున అని తెలిపారు. ఇక అభిమానులు సూర్య రోలెక్స్, కార్తీ ఢిల్లీ క్యారెక్టర్స్ గురించి అడగటంతో కార్తీ సమాధానమిస్తూ.. అది డైరెక్టర్ లోకేష్ ని అడగాలని తెలిపారు. ఖైదీ2 కచ్చితంగా నెక్స్ట్ ఇయర్ ఉంటుంది. అందులో రోలెక్స్ ఉన్నాడా లేదా అనేది లోకేష్ కి తెలియాలన్నారు.
