విభిన్నమైన కథా చిత్రాలతో ప్రేక్షకులను అలరిస్తున్నాడు యంగ్ హీరో నిఖిల్ . గతంలో డైరెక్టర్‌ చందూ మొండేటి దర్శకత్వంలో నిఖిల్ హీరోగా నటించిన కార్తికేయ చిత్రం మంచి విజయాన్ని అందుకుంది. నిఖిల్ కెరియర్లో…బిగ్గెస్ట్ హిట్‌గా నిలవగా ఈ సినిమాకు సీక్వెల్‌గా వచ్చిన కార్తీకేయ 2 విడుదలైన ప్రతీచోటా రికార్డులు బ్రేక్ చేసింది. ముఖ్యంగా బాలీవుడ్‌లోనూ సత్తాచాటి భారీ వసూళ్లను రాబట్టింది.
ఇక తాజాగా ఓటీటీలోనూ రికార్డులను బ్రేక్ చేసింది కార్తికేయ 2. జీ5 ఓటీటీ ప్లాట్‌ఫాంలో కార్తికేయ 2 చిత్రం దసరా కానుకగా స్ట్రీమింగ్‌కు వచ్చింది. ఇక ఈ సినిమాకు ఓటీటీలోనూ ప్రేక్షకులు నీరాజనం పడుతున్నారు. ఈ సినిమా ఓటీటీ స్ట్రీమింగ్‌కు వచ్చిన కేవలం 48 గంటల్లోనే ఏకంగా 100 కోట్ల స్ట్రీమింగ్ నిమిషాలను పూర్తి చేసుకుంది.
నిఖిల్ సరసన అనుపమ పరమేశ్వరన్, శ్రీనివాస రెడ్డి, వైవా హర్ష ముఖ్య పాత్రల్లో నటించిన ఈ సినిమాకు కాళభైరవ సంగీతం అందించారు.
