తెలంగాణలో మరో 3రోజులు భారీ వర్షాలు

తెలంగాణలో రాగల 3రోజులు ఉరుములు మెరుపులతో కూడిన భారీ వర్షాలు కురిసే అవకాశం ఉందని హైదరాబాద్‌ వాతావరణ కేంద్రం వెల్లడించింది. రాష్ట్రంలోని పలుచోట్ల నేడు భారీ వర్షాలు కురుస్తాయని వాతావరణ కేంద్ర సంచాలకులు డాక్టర్‌ నాగరత్న ఓ ప్రకటనలో పేర్కొన్నారు. మరో 3 రోజులు వర్షాలు ఉంటాయని తెలిపిన వాతావరణ శాఖ. దీంతో ఎల్లో అలర్ట్‌ జారీ చేసింది. ఉరుములు మెరుపులతో కూడిన భారీ నుంచి అతి భారీ వర్షాలు పడే అవకాశం ఉందన్నారు.

నిన్న దక్షిణ కోస్తా ఆంధ్రప్రదేశ్‌ పరిసర ప్రాంతాల్లో ఉన్న ఆవర్తనం ఈ రోజు తెలంగాణ పరిసరాల్లోని విదర్భలో కొనసాగుతూ సగటు సముద్ర మట్టానికి 1.5 నుంచి 3.1 కిలో మీటర్ల ఎత్తు మధ్య విస్తరించి ఉందని తెలిపారు.