ఎంపీ సంతోష్ కుమార్ చేపట్టిన గ్రీన్ ఇండియా చాలెంజ్ లో మ్యూజిక్ డైరెక్టర్ కాళ భైరవ విసిరిన ఛాలెంజ్ ని స్వీకరించి తన పుట్టినరోజు సందర్బంగా జూబ్లీహిల్స్ లో మొక్కలు నాటారు డైరెక్టర్ అశ్విన్ గంగరాజు.
ఈ సందర్భంగా అశ్విన్ గంగరాజు మాట్లాడుతూ తన పుట్టినరోజు సందర్బంగా ఇంత గొప్ప కార్యక్రమం అయిన గ్రీన్ ఇండియా చాలెంజ్ లో పాల్గొని మొక్కలు నాటడం ఆనందంగా ఉందని అన్నారు. ముక్యంగా తెలంగాణ లో గ్రీనరి పెంచడానికి తెలంగాణ ప్రభుత్వం నిరంతరం కృషి చేస్తుంది అన్నారు.మొక్కలు నాటుతున్నపుడు వచ్చే అనుభూతి మాటల్లో చెప్పలేనిది అని అన్నారు.ఇంతటి గొప్ప అవకాశం కల్పించిన ఎంపీ జోగినపల్లి సంతోష్ కుమార్ గారికి కృతజ్ఞతలు తెలిపారు. అనంతరం నటుడు వెన్నెల కిషోర్, ప్రియ దర్శి,హీరో శర్వానంద్ ఈ ముగ్గురిని ఈ ఛాలెంజ్ ముందుకు తీసుకెళ్లే దిశగా మొక్కలు నాటాలని కోరారు. ఈ కార్యక్రమం లో జబర్దస్త్ ఫేమ్ అదిరే అభి పాల్గొన్నారు.
