అజయ్‌ జ్ఞానముత్తు దర్శకత్వంలో చియాన్ విక్రమ్ హీరోగా తెరకెక్కుతున్న చిత్రం కోబ్రా. విక్రమ్ సరసన శ్రీనిధి శెట్టి హీరోయిన్‌గా నటించగా ఈనెల 31న ప్రపంచ వ్యాప్తంగా విడుదల కానుంది. కొత్త రకం కథతో, విక్రమ్ 9 గెటప్స్ తో ప్రేక్షకుల ముందుకురానుండటంతో అంతా ఆసక్తిగా ఎదురుచూస్తున్నారు. ఇక సినిమా ప్రమోషన్ కార్యక్రమాల్లో భాగంగా ఆసక్తికర విషయాలను వెల్లడించారు చియాన్ విక్రమ్.
కోబ్రా అడ్వాన్స్ బుకింగ్స్ అన్ని అయిపోయాయి… మా ఆవిడ ఫోన్ చేసి టికెట్లు దొరకట్లేదని చెప్తుంది. ఇంతటి ఎనర్జీని చూసి చాలా రోజులైంది అని తెలిపారు. ఈ రేంజ్ బుకింగ్స్ ఉంటే సినిమాకి మంచి ఓపెనింగ్స్ వస్తాయని సినీ వర్గాలు అంచనా వేస్తున్నాయి.
విక్రమ్ సినిమా థియేటర్లలో రిలీజ్ అయి దాదాపు నాలుగు సంవత్సరాలు కావడంతో తమిళనాడులో అడ్వాన్స్ బుకింగ్స్ మొత్తం సేల్ అయిపోయాయి. తమిళనాడులోని పెద్ద సిటీలలో రిలీజ్ రోజు ఒక్క టికెట్ కూడా దొరకడం లేదంట.
