రెండో వన్డేలోనూ జింబాబ్వే చిత్తు..

భారత్‌తో జరిగిన రెండో వన్డేలో జింబాబ్వే ఓటమి పాలైంది. జింబాబ్వే విధించిన 162 పరుగుల లక్ష్యాన్ని భారత్ 25.4 ఓవర్లలో 5 వికెట్లకు 167 పరుగులు చేసింది. సంజూ శాంసన్‌ (39 బంతుల్లో 43 నాటౌట్‌; 3 ఫోర్లు, 4 సిక్సర్లు) టాప్‌ స్కోరర్‌ కాగా.. శిఖర్‌ ధవన్‌ (21 బంతుల్లో 33; 4 ఫోర్లు), శుభ్‌మన్‌ గిల్‌ (33; 6 ఫోర్లు) రాణించారు. దీంతో మరో మ్యాచ్‌ మిగిలుండగానే 2-0తో సిరీస్‌ గెలుచుకుంది భారత్. చక్కటి ఇన్నింగ్స్‌తో జట్టును గెలిపించిన శాంసన్‌కు ‘మ్యాన్‌ ఆఫ్‌ ది మ్యాచ్‌’ అవార్డు దక్కింది.

ఇక అంతకముందు తొలుత బ్యాటింగ్ చేసిన జింబాబ్వే… 38.1 ఓవర్లలో 161 పరుగులకు ఆలౌటైంది. సీన్‌ విలియమ్స్‌ (42; 3 ఫోర్లు, ఒక సిక్సర్‌), ర్యాన్‌ (39 నాటౌట్‌; 3 ఫోర్లు, ఒక సిక్సర్‌) రాణించారు.