చాలా కాలం తర్వాతమంచి సినిమా చూశాను.!

చాలాకాలం తర్వాత ఓ మంచి సినిమా చూశానని తెలిపారు మాజీ ఉపరాష్ట్రపతి వెంకయ్య నాయుడు. ఈ మేరకు ట్విట్టర్‌లో ట్వీట్ చేసిన ఆయన.. సీతారామం చిత్రాన్ని వీక్షించాను. నటీనటులు అభినయానికి, సాంకేతిక విభాగాల సమన్వయం తోడై చక్కని దృశ్యకావ్యం ఆవిష్కృతమైందన్నారు.

సాధారణ ప్రేమ కథలా కాకుండా, దానికి వీర సైనికుని నేపథ్యాన్ని జోడించి, అనేక భావోద్వేగాలను ఆవిష్కరించిన ఈ చిత్రం ప్రతి ఒక్కరూ తప్పక చూడాలన్నారు. రణగొణధ్వనులు లేకుండా, కళ్ళకు హాయిగా ఉండే ప్రకృతి సౌందర్యాన్ని ఆవిష్కరించిన ఈ చిత్ర దర్శకుడు శ్రీ హను రాఘవపూడి, నిర్మాత శ్రీ అశ్వినీదత్, స్వప్న మూవీ మేకర్స్ సహా చిత్ర బృందానికి అభినందనలు తెలిపారు.

దుల్కర్ సల్మాన్, మృణాల్ ఠాకూర్ జంటగా హను రాఘవపూడి దర్శకత్వంలో తెరకెక్కిన సినిమా సీతారామం. వైజయంతి మూవీస్ బ్యానర్ లో వచ్చిన ఈ సినిమా భారీ విజయం సాధించింది.