హైదరాబాద్‌ దివ్యంగా ఉంది : ఆస్ట్రో రాజాచారి

భారత సంతతికి చెందిన నాసా ఆస్ట్రోనాట్‌ రాజాచారి ఇండియాకు అంతరిక్షం నుండి ….75వ స్వాతంత్ర్య దినోత్సవ శుభాకాంక్షలు తెలిపారు. ప్రస్తుతం అంతర్జాతీయ అంతరిక్ష కేంద్రంలో ఉన్న రాజాచారి తన ట్వీట్‌లో పూర్వీకుల దేశం గురించి కీర్తించారు. భార‌త్ స్వాతంత్య దినోత్స‌వం జ‌రుపుకుంటోంద‌ని, స్పేస్ స్టేష‌న్ నుంచి ఆ దేశ వైభ‌వాన్ని చూస్తున్న‌ట్లు ఆయ‌న త‌న ట్వీట్‌లో తెలిపారు. ఇక త‌న తండ్రికి చెందిన హైద‌రాబాద్ న‌గ‌రం దివ్యంగా వెలుగుతోన్న‌ట్లు రాజా చారి త‌న ట్వీట్‌లో వెల్ల‌డించారు. భార‌త్‌, అమెరికా మధ్య మంచి స్నేహ సంబంధాలు ఉన్నాయ‌ని, అన్ని రంగాల్లోనూ సహకారం ద్వారా ఇరుదేశాలు ఇంకా అభివృద్ధి పథంలో దూసుకెళ్లాలని అంకాక్షించారు.