దేశానికి స్వాతంత్ర్యం వచ్చి 75 సంవత్సరాలు గడుస్తున్న సందర్భంగా ప్రతి ఇంటిపై జాతీయ జెండా ఎగురవేయాలని కేంద్ర, రాష్ట్ర ప్రభుత్వాలు ప్రజలకు పిలుపునిచ్చిన సంగతి తెలిసిందే. ఈ నేపథ్యంలో తన నివాసంలోని బాల్కనీపై జాతీయ జెండాను ఎగుర‌వేశారు బాలీవుడ్ నటుడు ఆమీర్ ఖాన్. మువ్వన్నెల జెండా ప‌క్క‌నే నిల‌బడి తీసుకున్న ఫొటోల‌ను సోష‌ల్ మీడియాలో పోస్ట్ చేశాడు ఆమిర్ ఖాన్.
ఆమిర్ ఖాన్ రీసెంట్ మూవీ లాల్ సింగ్ చద్దా. రీసెంట్ గా రిలీజ్ అయిన ఈ చిత్రం యావరేజ్ టాక్ ను తెచ్చుకుంది. ఎన్నో వివాదాల నడుమ, భారీ అంచనాల మధ్య లాల్ సింగ్ చద్దా ప్రేక్షకుల ముందుకు వచ్చింది. 1994 అమెరికన్ చిత్రం ‘ఫారెస్ట్‌ గంప్‌’ కి రీమేక్ గా తెరకెక్కింది.
ఇండియాలో ఉండాలంటే రక్షణ లేదు.. ఇక్కడ బతకాలంటే భయం వేస్తుంది అని గతంలో ఆమిర్ ఖాన్ చేసిన వ్యాఖ్యలు తీవ్ర దుమారం రేపగా లాల్ సింగ్ చద్దాను బహిష్కరించాలని హ్యాష్‌ ట్యాగ్ ట్రెండింగ్‌లో ఉంది.
