బాలివుడ్‌ స్టార్ హీరో అమీర్ ఖాన్ టైటిల్ రోల్ చేస్తున్న చిత్రం లాల్ సింగ్ చడ్డా . ఈ చిత్రాన్ని తెలుగులో మెగాస్టార్ చిరంజీవి స‌మ‌ర్పిస్తున్నారు. అమీర్ ఖాన్ ప్రొడ‌క్ష‌న్స్, వైకోమ్‌ 18 స్టూడియోస్‌, పారామౌంట్‌ పిక్చ‌ర్స్ సంయుక్త నిర్మాణంలో వ‌స్తున్న ఈ చిత్రం ఆగ‌స్టు 11న గ్రాండ్‌గా థియేట‌ర్ల‌లో విడుద‌ల కాబోతుంది. ఈ ప్రాజెక్టుకు సంబంధించిన కొత్త అప్ డేట్ బ‌య‌ట‌కు వ‌చ్చింది. టాలీవుడ్ యువ హీరో నాగ‌చైత‌న్య ఈ సినిమాతో బాలీవుడ్ ఎంట్రీ ఇస్తున్నారు. అందాల భామ క‌రీనా క‌పూర్ ఫీమేల్ లీడ్ రోల్‌లో న‌టిస్తోంది. అమీర్ ఖాన్ చాలా గ్యాప్ త‌ర్వాత చేస్తున్న సినిమా కావ‌డంతో అంచ‌నాలు భారీగా ఉన్నాయి.
పోస్ట్ థ్రియాట్రిక‌ల్ రైట్స్‌ను పాపుల‌ర్ ఓటీటీ ప్లాట్ ఫాం నెట్‌ఫ్లిక్స్ సొంతం చేసుకుందట. దీనికోసం నెట్‌ఫ్లిక్స్ భారీ మొత్తంలో ఖ‌ర్చు పెట్టింద‌ట. అంటే కొన్ని వారాల్లోనే నెట్‌ఫ్లిక్స్ లో సంద‌డి చేయ‌నుంద‌న్నమాట. అయితే దీనిపై మేక‌ర్స్ నుంచి అధికారిక ప్ర‌క‌ట‌న రావాల్సి ఉంది. ఈ చిత్రం హాలీవుడ్ క్లాసిక్ ప్రాజెక్టు ఫారెస్ట్ గంప్‌కు రీమేక్ గా వ‌స్తుంది.
