కడువా…టీజర్

పృథ్వీరాజ్ సుకుమారన్ హీరోగా పాన్ ఇండియా చిత్రం ‘కడువా’ తెరకెక్కుతున్న సంగతి తెలిసిందే. ఈ సందర్భంగా ఇవాళ కడువా తెలుగు టీజర్‌ని రిలీజ్ చేశారు. వాడెవడో కొత్తోడై ఉంటాడు సర్.. ఊళ్లో అతనికి ఇంకో పేరు ఉంది..కురువశ్చన్.. కడువా కురియన్ కురువశ్చన్`..అంటూ డైలాగ్స్ తో టీజర్ మొదలైంది.

ఆయనొక చిరుత సార్.. వేట కోసం కాచుకున్న చిరుత అంటూ పృథ్వీరాజ్ ను పరిచయం చేశారు. తెల్ల లుంగీ, అదే కలర్ షర్ట్ ధరించి. చేతికి చిరుత సింబల్ తో ఉన్న ఉంగరం ధరించి.. పోలీసులను చితకబాదుతున్న దృశ్యాలు మూవీ అంచనాలు అమాంతం పెంచేశాయి. హీరోపై చిత్రీకరించిన యాక్షన్ సన్నివేశాలు ఫ్యాన్స్ ను ఆకట్టుకున్నాయి.

యాక్షన్ చిత్రాల దర్శకుడు షాజీ కైలాస్ దర్శకత్వంలో ఈ చిత్రం రూపొందింది. ఈ చిత్రంలో సంయుక్త మీన‌న్ హీరోయిన్‌గా న‌టించింది. వివేక్ ఓబెరాయ్ ప్రతి నాయకుడి పాత్రలో న‌టించాడు.