కార్తీకేయ2..ట్రైలర్‌కి మంచి రెస్పాన్స్

చందు మొండేటి దర్శకత్వంలో నిఖిల్ హీరోగా తెరకెక్కుతున్న చిత్రం కార్తికేయ 2. కార్తికేయకు సీక్వెల్‌గా వస్తున్న ఈ చిత్రంపై భారీ అంచనాలు నెలకొనగా నిఖిల్ కి జంటగా అనుపమ పరమేశ్వరన్ హీరోయిన్ గా నటిస్తోంది. పీపుల్స్ మీడియా ఫ్యాక్ట‌రి, అభిషేక్ అగ‌ర్వాల్ ఆర్ట్స్ కలిసి నిర్మించాయి.

సినిమా ప్రమోషన్‌లో భాగంగా ట్రైలర్‌ని విడుదల చేయగా మంచి రెస్పాన్స్ వస్తోంది. శాంతను ఇది నువ్వు ఆపలేని యాగం.. నేను సమిధను మాత్రమే.. ఆజ్యం మళ్లీ అక్కడ మొదలైంది.. ప్రాణత్యాగం చేసే తెగింపు ఉంటేనే దీనిని పొందగలం మొదలైన ట్రైలర్ ఆధ్యంతం ఆకట్టుకుంది. కృష్ణుడు ఎవరు అంటూ ద్వారకా నగరం కోసం హీరో వెతుకుతున్నట్టు, ఇంకా దేనికోసమో హీరో అన్వేషిస్తున్నట్టు ట్రైలర్ లో చూపించారు. జులై 22న ప్ర‌పంచ‌ వ్యాప్తంగా ప్రేక్షకుల ముందుకురానుంది.