శ్రీవారి దర్శనానికి 25 గంటల సమయం..

తిరుమల శ్రీవారి దర్శనానికి భక్తులు పోటెత్తారు. వేసవి సెలవులు ముగుస్తుండడంతో శ్రీవారిని దర్శించుకునేందు కు భక్తులు పెద్ద సంఖ్యలో తిరుమలకు చేరుకుంటారు. శనివారం వైకుంఠం క్యూ కాంప్లెక్స్‌లో అన్ని కంపార్టుమెంట్లలో భక్తులతో నిండిపోయాయి. శ్రీవారి దర్శనానికి 25 గంటల సమయం పడుతోంది.

ఈ నెల 18 నుంచి అమెరికాలోని 7 ప్రాంతాల్లో శ్రీవారి కల్యాణోత్సవాలు నిర్వహిస్తున్నామని టీటీడీ చైర్మన్‌ వైవీ సుబ్బారెడ్డి తెలిపారు. టీటీడీ ఆధ్వర్యంలో జులై 3 వరకు ప్రధాన నగరాల్లో వీటిని నిర్వ హిస్తున్నామని వెల్లడించారు. తిరుమలలో తయారైన లడ్డూలను అక్కడ అందజేస్తామని పేర్కొన్నారు.

నిన్న శుక్రవారం 67,949 మంది భక్తులు శ్రీవారిని దర్శించుకోగా 39,837 మంది తలనీలాలు సమర్పించు కున్నారు. శ్రీవారి హుండీ ఆదాయం రూ 3.70 కోట్లు వచ్చింది.