జ్యోతిలక్ష్మీ, బ్లఫ్ మాస్టర్’ చిత్రాలతో హీరోగా ప్రేక్షకుల్లో మంచి గుర్తింపు తెచ్చుకున్న సత్యదేవ్ హీరోగా, ఐశ్వర్య లక్ష్మీ హీరోయిన్ గా సికే స్క్రీన్స్ పతాకంపై గోపీ గణేష్ పట్టాభి దర్శకత్వంలో నిర్మాత సి. కళ్యాణ్ నిర్మిస్తున్న చిత్రం “గాడ్సే”. ఎడ్యుకేషన్స్ బాక్డ్రాప్ లో రూపొందుతోన్న ఈ చిత్రం షూటింగ్ పూర్తి చేసుకుంది. ఈ నేపథ్యంలో ‘గాడ్సే’ సినిమా ఈ నెల 17వ తేదీన థియేటర్లకు రానుంది.
తాజాగా ఈ సినిమా నుంచి ట్రైలర్ ను రిలీజ్ చేశారు. హీరో పాత్రను కేంద్రంగా చేసుకుని ఆయన చుట్టూ అల్లుకున్న సన్నివేశాలపై ఈ ట్రైలర్‌ను కట్ చేశారు. ‘ఏ నినాదం వెనుక ఎవరి ప్రయోజనాలు దాగున్నాయో తెలుసుకోనంత కాలం ప్రజలు మోసపోతూనే ఉంటారు’ అనే డైలాగ్ ఆలోచింపజేస్తోంది. ‘అర్హత ఉన్నోడే అసెంబ్లీలో ఉండాలి .. పద్ధతున్నోడే పార్లమెంటులో ఉండాలి’ అనే డైలాగ్ పవర్ఫుల్ గా ఉంది. స్వార్థ రాజకీయాలపై ఒక యువకుడు సాగించిన పోరాటంగా ఈ సినిమా కనిపిస్తోంది.
