తిరుమల అప్‌డేట్..

తిరుమలలో భక్తుల రద్దీ సాధారణంగా ఉంది. శ్రీవారి సర్వదర్శనానికి 2 గంటల సమయం పడుతోంది. మంగళవారం స్వామివారిని 69,848 మంది భక్తులు దర్శించుకోగా 28,716 మంది భక్తులు స్వామివారికి తలనీలాలు సమర్పించారు. నిన్న శ్రీవారి హుండీ ఆదాయం రూ.4.34 కోట్లు.

ఇక ఇవాల్టీ నుండి తిరుమలలో సంపూర్ణ ప్లాస్టిక్ నిషేధం అమలు చేయాలని టిటిడి నిర్ణయించింది. తిరుమల ఆస్థానమండపంలో దుకాణదారులు, హోటళ్ల నిర్వాహకులతో టిటిడి అధికారులు సమావేశం నిర్వహించారు. ప్లాస్టిక్ బాటిళ్లు, బ్యాగులు, కవర్ల వినియోగాన్ని తిరుమలలో పూర్తిగా నిషేధించింది టీటీడీ.