హీరో కమల్ హాసన్‌పై ప్రశంసలు గుప్పించారు హీరో వెంకటేష్. లోకేష్ కనకరాజన్ దర్శకత్వంలో కమల్‌హాసన్‌, విజయ్ సేతుపతి, ఫాహిద్ ఫాజిల్ ముఖ్యపాత్రల్లో సూర్య గెస్ట్ రోల్ తో భారీగా తెరకెక్కిన మల్టీస్టారర్ విక్రమ్. హైదరాబాద్‌లో జరిగిన ప్రీ రిలీజ్ ఈవెంట్‌కి వెంకటేశ్ ముఖ్య అతిథిగా హాజరయ్యారు.
ఈ సందర్బంగా మాట్లాడిన వెంకటేష్…గ్లోబల్ స్టార్. యాక్టర్, డైరెక్టర్, రైటర్, సింగర్, కొరియోగ్రాఫర్, పొలిటీషియన్, మంచి మానవతావాది.. ఇలా చెప్పుకుంటూ పోతే ఆయనలో దశావతారాలు కాదు శతావతారాలు కనిపిస్తాయి అని తెలిపారు.
సౌత్ సినిమాలో రెండు శకాలు ఉంటే ఒకటి కమల్‌హాసన్‌ కి ముందు, ఇంకోటి కమల్‌హాసన్‌ వచ్చిన తర్వాత అని కొనియాడారు. అపూర్వ సహోదరులు, పదహారేళ్ల వయసు సినిమా చూసిన తర్వాత ఆయన నటనకు నేను క్లీన్‌ బౌల్డ్ అయ్యానని చెప్పారు. ఆయన నటించిన మరో చరిత్ర ప్రతి యాక్టర్‌కు ఒక జీపీఎస్‌ లాంటిదన్నారు.
