నాంపల్లి పబ్లిక్ గార్డెన్స్ లో జూన్ 2న తెలంగాణ రాష్ట్ర ఆవిర్భావ దినోత్సవ వేడుకలకు సంబంధించి పూర్తి డ్రెస్ రిహార్సల్ పరేడ్‌ను సీఎస్ సోమేశ్ కుమార్ ఈ రోజు పరిశీలించారు. కోవిడ్ కారణంగా రెండేండ్ల తర్వాత నిర్వహిస్తున్న ఈ వేడుకలను అత్యంత ఘనంగా నిర్వహిస్తున్నట్టు సిఎస్ తెలిపారు. జూన్ 2న సీఎం కేసీఆర్ గన్ పార్క్ వద్ద అమరవీరులకు నివాళులు అర్పించి, పబ్లిక్ గార్డెన్స్ లో జాతీయ జెండా ఆవిష్కరణ గావిస్తారు. అనంతరం పోలీస్ దళాల గౌరవ వందనం స్వీకరిస్తారు, ప్రజలనుద్దేశించి ప్రసంగిస్తారని సీఎస్ తెలిపారు.
ఈ కార్యక్రమంలో సీఎస్ తో పాటు డీజీపీ మహేందర్ రెడ్డి, ప్రత్యేక ప్రధాన కార్యదర్శులు అర్వింద్ కుమార్ (మున్సిపల్ శాఖ), సునీల్ శర్మ (ఇంధన శాఖ), జీఏడీ కార్యదర్శి శేషాద్రి, జీహెచ్ఎంసీ కమీషనర్ లోకేష్ కుమార్, జలమండలి ఎండి దానకిషోర్, ఇతర పోలీసు శాఖ, ఇతర శాఖల అధికారులు హాజరయ్యారు.
