నేచురల్ స్టార్ నాని హీరోగా వివేక్ ఆత్రేయ దర్శకత్వంలో ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తున్న రొమాంటిక్ కామెడీ ఎంటర్‌టైనర్ ‘అంటే సుందరానికి’. నజ్రియా ఫహద్ ఈ చిత్రంతో టాలీవుడ్ ఎంట్రీ ఇస్తున్నారు. ఈ సినిమాను వచ్చేనెల 10వ తేదీన విడుదల చేయనున్నారు. ఈ సినిమా రిలీజ్ డేట్ దగ్గర పడుతుండగా ప్రమోషన్స్ జోరును పెంచారు. ఈ మేరకు తాజాగా ట్రైలర్ గ్లింప్స్‌ రిలీజ్ చేశారు.
ముఖ్యమైన పాత్రలను పరిచయం చేస్తూ, కామెడీ టచ్‌తో కూడిన సీన్‌పై ఈ గ్లింప్స్‌ను కట్ చేశారు. ట్రైలర్‌ను వచ్చేనెల 2వ తేదీన రిలీజ్ చేయనున్నట్టు చెప్పారు. ఈ చిత్రానికి వివేక్ సాగర్ సంగీతాన్ని సమకూర్చాడు. వివేక్ సాగర్ సంగీతం అందించగా, నికేష్ బొమ్మి సినిమాటోగ్రఫర్‌గా, రవితేజ గిరిజాల ఎడిటర్‌గా పని చేస్తున్నారు. కాగా, ఈ చిత్రం తమిళ వెర్షన్‌కి ‘అడాడే సుందరా’ అనే టైటిల్‌ని పెట్టగా, మలయాళ వెర్షన్‌కి ‘ఆహా సుందరా’ అనే టైటిల్‌ను ఖరారు చేశారు.
