సైన్స్ అండ్ టెక్నాలజీ, పర్యావరణం, అడవులు మరియు వాతావరణ మార్పులపై పార్లమెంటరీ స్టాండింగ్ కమిటీ సోమవారం గుజరాత్‌లో పర్యటించింది. ఈ పర్యటనలో తెలంగాణ ఎంపీలు సంతోష్ కుమార్, కొత్త ప్రభాకర్ రెడ్డిలు పాల్గొన్నారు. ఎంపీ సంతోష్ కుమార్ ఇతర సభ్యులతో కలిసి స్టడీ టూర్‌లో భాగంగా గిర్ జాతీయ వన్యప్రాణుల అభయారణ్యాన్ని సందర్శించారు. అక్కడ స్థానిక మల్ధారిస్ అనే గిరిజనులతో స్టాండింగ్ కమిటీ సభ్యులు మమేకమై వారితో ముచ్చటించారు.
ఈమేరకు ఎంపీ సంతోష్ కుమార్ ట్విట్టర్‌లో తన ఆనందాన్ని పంచుకున్నారు. ప్రకృతి నియమాలను గౌరవిస్తే అడవి జంతువులతో కూడా జీవించవచ్చని మల్ధారిస్ గిరిజనుల వద్ద తెలుసుకున్నామన్న ఎంపీ సంతోష్ కుమార్. ఈ సంచార జాతులు, వారి సంస్కృతి పార్లమెంటరీ స్టాండింగ్ కమిటీని ఆకట్టుకుందని తెలిపారు. సంగీతం విషయంలో భాష తెలుసుకోవలసిన అవసరం లేదని.. ఈ మల్ధారీలు జానపద పాటలను తమ భాషలో పాడుతున్నప్పుడు వారి ముఖాల్లో సంతోషం కనిపిస్తోందన్నారు. ఇది కాదా రిఫ్రెష్ అంటే అని ఎంపీ సంతోష్ కుమార్ ట్వీట్ ద్వారా పేర్కొన్నారు.
