టాలీవుడ్‌ బ్యూటీ సమంత ప్రస్తుతం ‘శాకుంతలం’ సినిమాలో నటిస్తోంది. ఈ సినిమాకి గుణశేఖర్ దర్శకత్వం వహించగా, మణిశర్మ సంగీతాన్ని సమకూర్చారు. ఈ మూవీ విడుదల దిశగా పనులను జరుపుకుంటోంది. ఈ రోజున సమంత పుట్టినరోజు సందర్భంగా ‘శాకుంతలం’ సినిమా నుంచి సమంత స్పెషల్ పోస్టర్‌ను రిలీజ్ చేశారు చిత్ర బృందం. ‘శకుంతల’ పాత్రలో సమంత చాలా అందంగా కనిపిస్తోంది. ఈ ఏడాదిలోనే ఈ సినిమా ప్రేక్షకుల ముందుకు రానుంది.
ఇక ఈ సినిమాలో దుష్యంత మహారాజుగా మలయాళ నటుడు దేవ్ మోహన్ కనిపించనున్నాడు. ఐకాన్ స్టార్ అల్లు అర్జున్ కుమార్తె అల్లు అర్హ మొదటిసారి చైల్డ్ ఆర్టిస్టుగా సిల్వర్ స్క్రీన్ ఎంట్రీ ఇస్తూ భరతుడి పాత్రలో కనిపించబోతోంది. ఇక ఈ చిత్రాన్ని దిల్‌ రాజు ప్రొడక్షన్స్‌, గుణ టీమ్‌ వర్క్స్‌ బ్యానర్స్‌పై దిల్‌రాజు, నీలిమ గుణ సంయుక్తంగా నిర్మిస్తున్నారు. ప్రస్తుతం ఈ సినిమా పోస్టర్ సోషల్ మీడియాలో చక్కర్లు కొడుతూ వైరల్ అవుతోంది.
