ఆర్సీబీని చిత్తుచేసిన రాజస్థాన్

ఐపీఎల్‌లో మరో ఘోర ఓటమిని మూటగట్టుకుంది ఆర్సీబీ. 145 పరుగుల స్వల్ప లక్ష్యచేదనలో బరిలోకి దిగిన ఆర్సీబీ….26 పరుగుల తేడాతో ఓటమి పాలైంది.19.3 ఓవర్లలోనే 115 పరుగులకే ఆలౌట్ అయ్యింది. కెప్టెన్‌ డుప్లెసిస్‌ (23) తప్ప మిగితా బ్యాట్స్‌మెన్ అంతా విఫలం కావడంతో ఆర్సీబీకి పరాజయం తప్పలేదు. రాజస్థాన్‌ బౌలర్లలో కుల్‌దీప్‌ సేన్ 4 వికెట్లు పడగొట్టి బెంగళూరు ఓటమిని శాసించాడు.

ఇక అంతకముందు తొలుత బ్యాటింగ్‌ చేసిన రాజస్థాన్‌ 8 నష్టానికి 144 పరుగులు చేసింది. రియాన్‌ పరాగ్ (56) హాఫ్ సెంచరీతో రాణించాడు. ఈ విజయంతో పాయింట్ల పట్టికలో 12 పాయింట్లతో అగ్రస్థానానికి చేరుకుంది రాజస్థాన్. బెంగళూరుకు వరుసగా రెండో ఓటమి.