ప్రామిసింగ్ యంగ్ హీరో శ్రీవిష్ణు ప్రధానపాత్రలో ‘బాణం’ ఫేమ్ చైతన్య దంతులూరి తెరకెక్కించిన చిత్రం భళా తందనాన. వారాహి చలనచిత్రం పతాకంపై సాయి కొర్రపాటి సమర్పణలో రజనీ కొర్రపాటి ఈ చిత్రాన్ని నిర్మిస్తున్నారు. మణిశర్మ సంగీతం అందిస్తుండగా తాజాగా సినిమా ప్రీ రిలీజ్ ఈవెంట్ డేట్ ఖరారైంది.
ఈ నెల 24న సాయంత్రం 6 గంటలకు భళా తందనాన ప్రీ రిలీజ్ ఈవెంట్ జరగనుంది. ఏప్రిల్ 30న ప్రపంచ వ్యాప్తంగా చిత్రం విడుదల కానుంది. వేసవి సెలవులను ద్రుష్టిలో పెట్టుకొని వచ్చే వారంలోనే చిత్రాన్ని విడుదల చేయాలని చిత్ర యూనిట్ నిర్ణయించుకుంది.
కమర్షియల్‌ ఎంటర్‌టైనర్‌గా రూపొందినఈ చిత్రంలో కేథ‌రిన్ థ్రెసా కథానాయికగా నటించింది. శ్రీకాంత్ విస్సా రచయిత గా, సురేష్ రగుతు సినిమాటోగ్రఫర్ గా, మార్తాండ్ కె వెంకటేష్ ఎడిటర్ గా, గాంధీ నడికుడికర్ ఆర్ట్ డైరెక్టర్ గా పని చేసిన ఈ చిత్రానికి టాప్ స్టంట్ డైరెక్టర్ పీటర్ హెయిన్ యాక్షన్ స్టంట్స్ అందించారు.
