సినిమాల కోసం హీరోలు బరువు పెరగడం.. తగ్గడం.. సర్వసాధారణ విషయం. ఇక హీరోయిన్లకు బరువుతో పెద్దగా పని లేదు.. ఎంత బరువు తగ్గితే అన్ని ఆఫర్లు అందుకుంటారు ముద్దుగుమ్మలు. అయితే వీరిలో అనుష్కకు మాత్రం ఓ లెక్కుంది. ఆ మధ్య ఓ సినిమా కోసం బరువు పెరిగిన ఈ క్రేజీ హీరోయిన్.. ఇప్పటికీ ఆశించిన స్థాయిలో సన్నబడటం లేదట. అమ్మడి లుక్‌ను ఒక దర్శకుడు ఎలాగోలా మేనేజ్ చేస్తుంటే… మరో దర్శకుడు మాత్రం ఆ సన్నబడే వరకు సినిమాను వాయిదా వేసినట్టు వార్తలు వినిపిస్తున్నాయి. అయితే బాహుబలి ది కంక్లూజన్ ట్రైలర్ లో అనుష్క సన్నగా కనిపిచింది.. ఈ ట్రైలర్ లో అనుష్కకు స్క్రీన్ స్పేస్ ఎక్కువగానే దక్కగా.. వీటిలో అనుష్క సన్నగా కనిపించిన సీక్రెట్ ఇప్పుడు తెలిసిపోయింది. ట్రైలర్ లో ఉంచిన స్వీటీ షాట్స్ లో చాలా వరకూ.. నాలుగేళ్ల క్రితం తీసినవే ఉంచారట. ఒకట్రెండు షాట్స్ లేటెస్ట్ వి ఉన్నా.. వాటిపై రాజమౌళి చాలానే కసరత్తులు చేశారని సమాచారం.
బాహుబలి మొదటి భాగంలో అనుష్క పాత్ర తక్కువగానే రెండో భాగంలో ఆమెకు స్క్రీన్ స్పేస్ కూడా ఎక్కువగానే ఉంటుందని టాక్‌. పైగా మొదటి భాగం అంతా కేరక్టర్ ఇంట్రడక్షన్ మాత్రమే అని.. రెండో భాగంలోనే కథ చెబుతానని రాజమౌళీ కూడా చెప్పిన సంగతి తెలిసిందే. అందుకే.. కీలకమైన అనుష్క రోల్ కి.. లుక్ విషయంలో బోలెడంత వర్క్ చేశాడట రాజమౌళి. అందుకోసం గ్రాఫిక్స్ సహాయం తీసుకున్నాడట రాజమౌళి.. నాలుగేళ్ల క్రితం అనుష్క ఎలా ఉందో.. అలాగే ఇప్పుడు కూడా కనిపించేలా చేశారట. అందుకే స్వీటీ ఇంత సన్నగా కనిపిస్తోందట.
‘బాహుబలి 2’ సినిమాలో అనుష్క లుక్ పెద్ద మ్యాటర్ కాకపోయినా.. స్వీటీ ప్రధాన పాత్రలో కనిపించబోయే ‘భాగమతి’ సినిమాలో ఆమె లుక్ ఎలా ఉండబోతోందనే అంశం ఇప్పుడు హాట్ టాపిక్‌గా మారింది. అనుష్క ప్రస్తుతం ఉన్న ఫిజిక్‌తో ‘భాగమతి’ సినిమాను షూట్ చేయలేమని భావించిన నిర్మాతలు… సినిమా షూటింగ్‌ను వాయిదా వేసుకున్నారని ప్రచారం జరుగుతోంది.
