మాస్ మహారాజా రవితేజ హీరోగా నటిస్తున్న క్రైమ్ బయోపిక్ ‘టైగర్ నాగేశ్వరరావు’.వంశీ దర్శకత్వంలో అభిషేక్ అగర్వాల్ ఫిల్మ్స్ బ్యానర్ పై నిర్మాణం జరుపుకుంటోన్న ఈ సినిమా ఇటీవలే గ్రాండ్‌గా ప్రారంభమైంది. ఇందులో రవితేజ సరసన బాలీవుడ్‌ భామ నూపుర్ సనన్ కథానాయికగా నటిస్తోంది. కొద్ది రోజుల క్రితం ఈ చిత్రం రెగ్యులర్ షూటింగ్ మొదలైంది. ప్రస్తుతం ఈ సినిమా శరవేగంగా షూటింగ్ జరుపుకుంటోంది. పగలు, రాత్రి తేడా లేకుండా ఈ సినిమాను చిత్రీకరిస్తున్నారు.
ప్రధాన పాత్రలపై నైట్ షూటింగ్ జరిపినట్టు మేకర్స్ ట్విట్టర్‌ ద్వారా అప్‌డేట్‌ ఇచ్చారు. కథాంశం ప్రకారం ఇందులో హీరో గజదొంగ కాబట్టి.. రాత్రివేళల్లో షూటింగ్ పార్ట్ ఎక్కువుంటుందని తెలుస్తోంది. రవితేజ కెరీర్‌లో ఈ సినిమా ఫస్ట్‌ బయోపిక్ కావడం విశేషం. అంతేకాదు ఆయన కెరీర్ లో ఇదే తొలి పాన్ ఇండియా సినిమా. తెలుగు, తమిళ, కన్నడ, మలయాళ, హిందీ భాషల్లో ఈ సినిమా విడుదల కాబోతోంది. ఒకప్పుడు పేరు మోసిన గజదొంగగా పోలీసుల్ని గడగడలాడించిన నాగేశ్వరరావు అనే క్రిమినల్ జీవిత చరిత్రగా ఈ సినిమా తెరకెక్కుతోంది.
